अधिकारया ल्वापु भाग्यं धितुं धिउँ वयाच्वन

अंक ८१ ने. सं. ११३३ सिल्लाथ्व दशमी  बुधवाः २०६९ फागुन ९ गते  बुधवार Feb 20, 2013

नेपालभाषा सहित्य
चिनाख - कविता

अधिकारया ल्वापु भाग्यं धितुं धिउँ वयाच्वन

अर्जुन नेपाःमि

व्यर्थय् फ्वनाच्वना झीसँ झीगु म्हसिकाया राज्य ।
फ्वगिं झी मखयानं फ्वगिं जुल धी देशया राज्य ।।

थ्व थिं दुःख कन्हय् मजुइके नितिं हालां मगायेफु ।
ल्वाये मासां ल्वाये ल्वाना सियेनं मालेफु ।।

मेपिनिगु नितिं मखुसो झीगु हे नितिं खः थ्व ल्वापु
मल्वासे बुकाः च्वना आः छक ल्वाये त्याइगु ल्वापु

थौंया दुखं कन्हय् कन्हाचाइ स्व सहयाना च्वनकि ।
झीगु म्हसिका तनि झी सुंंक कुम्भकर्ण थें देनकि

इलंचंया इलं नगुमाया इलं धयाच्वन स्वरे ।
मस्जिद देगः व गुम्बाया गं न्याना च्वन न्यरे ।।

हक मन्त अधिकार तन मचाय्क फुकं स्वबेनावन
वहे लित कायेया नितिं झीत न्हयग्वाः वयाच्वना ।।

थौंया थ्व लकस, थ्व लू अले न्यकसिनं घ्वा वयाच्वन
झीत थनेत झीगु हे भाग्यं धितु धिउँ वयाच्वन ।।