“जि सतः मखु” उपन्यासया बारे

अंक १०९ ने. सं. ११३३ गुंलागा चतुर्दर्शी बुधवाः २०७० भाद्र १९ गते बुधवार Sep -4 2013
 
“जि सतः मखु” उपन्यासया बारे
 

प्रमोद श्रेष्ठ

फय गं अप्पो न्याइ ... धाई 

जि समिक्षक वा विश्लेषक ला मखु न्हापां हे धया भू सिइदयेका च्वना ... उपन्यासकार भाजु नजरराम महर्जनया गुगूगु उपन्यास “जि सतः मखु” ब्वना जिगु मनय् वःगु छुं खँ प्वंकेगु कुतः याये ।

थ्व उपान्यासय् मिसा जातया मनोवैज्ञानिक, लैङ्गिक असमानता, सामाजिक अवस्थाया किपा क्यनेत स्वयातःगु दु । बुईका मचांनिसें लहिनातःम्ह म्ह्याय्यात छकः हे मन्यंसे इहिपा क्वःछिगु, ब्वने मगाःनि धायेकं तःमिपिन्थासं धाःवल धकाः बियाछ्वयेगु, इहिपा जुइवं भाःतया छेँय् थाकुगु, थःछेँय्या पाःगु व्यवहार, अले भाःत जुम्हस्यां वेवास्ता याइगु थजाःगु बाखं सलल बाः वं । येँ निम्हत्यपु ब्यागलं च्वनाच्वंगु जूसां वीरगंजयापिन्त नापं च्वंगु नाटक न्ह्यपुसे च्वं । उकें अझ वीरगंजं फोन वबलय् धोंलाःगु क्यनातःगु जूसा अझ बांलाइगु जुइमा । मिजंनापं पार काये धुंका, मिजंया ययेका तम्हेस्यां धोका बिवं ल्यां वया वयाः माया फ्वं वःबलय् जि सतः मखु धकाः लिसः बी । बाखं क्वचाल भचा ताहाकःगुसा जिउ तायेका ।

थ्व उपन्यासय् ब्वनेगु मेमेगु नं यक्व दु । कलेजया सुलाच्वंगु मतिना, मिजं हलिमय् कमाय् याः वनाच्वंगुलिं बाया च्वनेत बाध्यम्ह पासा, राजनैतिक कारणं विस्थापन जूम्ह नकिंया बौम्ह, सामन्ती जमिन्दार बाजुम्ह, कृष्णाष्टमी झुलन पर्व, विरगंजया नखः समाजया मेमेगु किपात खः ।

नजरराम दाजुयात थ्व उपन्यासया लागि सुभाय् मेगु नं वइ धकाः भल्सा कया ।