छि गन ?

अंक १११ ने. सं. ११३३ यंलाथ्व पुन्हि बुधवाः २०७० असोज २ गते  बुधवार  Sep -18, 2013

छि गन ?

प्रमोद श्रेष्ठ, दुबई

घाः जुलकि स्याई, स्याय्वं हालाहई
घाःपा जुया महालिपिं कि अचेत जुइमाल
कि मस्याइगु वासः नःगु जुइमाल
मखुसा प्राण वनेधुंकूगु जुइमाल ।
नेवाः तय्गु म्हसिकाया निंति
नेवाः नुगःदुपिं माल धयाच्वनीबलय्,
नेवाः नुगः दुपिं, स्याःचाःपिं,
दुघाः स्यात धका हालाजुइपिं मालका..
नुगः दु स्यासां महालिपिं नं दु
नुगः दु स्यामचाईगु वासः
नयाः न्ह्यो वय्काच्वंपिं नं दु ।
स्यासां सहयानाच्वंपिं गुबलेतक सहयायेगु,
मचाइगु वासःनःपिं ...
स्याः चायेका हालेगु कि मचाय्क सिनावनेगु
म्वाम्वाकं सीपिनिगु छु खँ ल्हायेगु
छि गन ?