नया“ वर्ष एवं दिपावलीको अवसरमा सुगम संगीत प्रस्तुत

अंक ११७ ने. सं. ११३४ कछलाथ्व तृतिया बुधवाः २०७० कार्तिक २० गते बुधवार Nov-6, 2013

 

नयाँ वर्ष एवं दिपावलीको अवसरमा सुगम संगीत प्रस्तुत

नेपाल सम्वत ११३४ नयाँवर्ष एवं शुभ दिपावलीको अवसरमा सुगम संगीत पुचः कीर्तिपुरले कीर्तिपुर न.पा. वडा नं.१ बाकुननी टोलमा सुगम संगीत प्रस्तुत गरिएको थियो ।

ने.सं.११३४ कछलाथ्व पारु नया“ वर्षको शुभारम्भ भएको दिन अर्थात गत कार्तिक १८ गते सोमवार सा“झ ४ बजेदेखि ६ बजेसम्म कार्यक्रम गरिएको थियो ।

बाकुननी टोलका गुरु हिरावहादुर महर्जनले सम्पूर्ण कलाकारहरुएवं दर्शकबहरुलाई कोखा र टिका लगाउनु भई नया“ वर्षको शुभकामना आदान प्रदान गर्नु भएको थियो । सुगम संगीतको सांगितिक कार्यक्रमको उद्घाटन गुरु हिरावहादुर महर्जनले पानसमा दिप प्रज्ज्वलन गरी गर्नु भएको थियो । मंगल धूनका साथ शुरु भएको उक्त सांगितिक कार्यक्रममा विशुद्ध नेवाः अर्थात नेपाल भाषाको गित र लोक धून प्रस्तुत गरिएको थियो । विशेष गरी दिपावली अर्थात् भाइ टिका एवं अन्य चर्चिट नेपालभाषाका लोक संगीत साथै भाषा संस्कृति र राष्ट्रियता सम्बन्धि गीत प्रस्तुत गरेका थिए ।

उक्त कार्यक्रममा ज्ञानेश्वर महर्जन ‘निभा’, प्रमीला महर्जन, कृष्ण हरि महर्जन, सानु कुमार तण्डुकार, हरि प्रसाद श्रेष्ठ, अमर वहादुर माली, ध्रुब महर्जनले आफ्नो गीत प्रस्तुत गरेका थिए । सारङ्गीको धून हरिशरण नेपालीले प्रस्तुत गरेका थिए । वाद्य वादनमा संस्थाका अध्यक्ष न्हुच्छे दर्शन र नविन महर्जनले साथ दिएका   थिए । कार्यक्रमको संचालन नविन महर्जनले गरेका थिए । यस कार्यक्रममा प्राविधिक सहयोग वाई जी जी साउण्ड एण्ड क्यासेटका प्रोप्राइटर देवेन्द्र महर्जनले गरेका थिए । उक्त कार्यक्रममा बाकुननी टोलबासीले केपू दिइ सहयोग गरेका थिए ।