रुद्र बहादुर स्मृति प्रतिष्ठानको समिति गठन

अंक ११७ ने. सं. ११३४ कछलाथ्व तृतिया बुधवाः २०७० कार्तिक २० गते बुधवार Nov-6, 2013

 

रुद्र बहादुर स्मृति प्रतिष्ठानको समिति गठन

कीर्तिपुर क्षेत्रका स्वास्थ्य तथा शिक्षा क्षेत्रका महानुभावहरु, समाजसेवीहरु तथा सर्वसाधारणहरुको २०७० कार्तिक ९ गते मतको टोल, लायकु कीर्तिपुरुमा भएको भेलाले स्वास्थ्यसेवी, शिक्षाप्रेमी तथा समाजसेवी स्व. रुद्र बहादुर प्रधानको सम्झनामा रुद्र बहादुर स्मृति प्रतिष्ठान स्थापना गर्ने निर्णय गरियो । 

उक्त भेलाले स्वास्थ्य तथा शिक्षा क्षेत्रमा कार्य गर्ने तथा सम्पदा क्षेत्रहरुको सम्बद्र्धन तथा प्रबद्र्धन कार्यलाई प्राथमिकता दिने निर्णय गरिएको थियो । उक्त भेलाले स्व. प्रधानको धर्मपत्नी राधा प्यारी प्रधानलाई संस्थाको संरक्षकमा चयन गरियो । 

उक्त भेलाले रबिन्द्र बहादुर प्रधानको अध्यक्षतामा ११ सदस्यीय तदर्थ समिति गठन गरियो । साथै ६ सदस्यीय सल्लाहकार समिति चयन गरियो । 

तदर्थ समितिका पदाधिकारीहरु यस प्रकार रहेका छन्ः अध्यक्षः रबिन्द्र बहादुर प्रधान, उपाध्यक्षः अरुण बहादुर श्रेष्ठ, सचिवः सुनिल श्रेष्ठ, कोषाध्यक्षः अमृत कुमार महर्जन, सदस्यहरुः रोशनी जोशी, सरला श्रेष्ठ, सुशीला श्रेष्ठ, अमिता श्रेष्ठ, पूर्ण बहादुर महर्जन, बिरेन्द्र शाक्य र विजय कुमार महर्जन रहेका छन् । सल्लाहकार समितिमा डा. भवेश्वर पंगेनी, भीम कुमार राजभण्डारी, मदन गोपाल प्रधान, टिकाराम महर्जन, बाबुकृष्ण महर्जन र हरिशरण महर्जन रहेका छन् ।