लसता मां पुचःको सहानिय पहल

अंक ११६ ने. सं. ११३३ कौलागा एकादशी बुधवाः २०७० कार्तिक १३ गते बुधवार Oct -30, 2013

लसता मां पुचःको सहानिय पहल

कीर्तिपुर नगरपालिका वडा नं. १६ मा क्रियाशिल महिला समूह लसता मां पुचःले तिहारको समयमा ‘म्हपुजा कु’ नलिन नगरवासीलाई आग्रह गदै आएको अवस्था छ ।  सो पुचःले त्यसरी आह्वान गर्दै आएको यो तेस्रो पटक हो । नेवार समुदायमा म्हपुजाको दिनमा आफ्नो माइतीवाट म्हपुजा गर्न भोज बनाई लानु पर्ने चलन रहेको काठमाण्डौंको दक्षिण भेग र विशेष गरि ज्यापु समुदायमा चलन रहेको उल्लेख गर्दै सो पुचःले अहिलेको अवस्थालाई मध्यनजर गर्दै संस्कृति जगेर्नाका साथ साथै आर्थिक रुपमा पनि कम खर्चिलो गर्न केवल पूजा सामाग्री मात्रै माइतिवाट लैजान अनुरोध गरेको छ । म्हपुजा कु लादाखेरि आर्थिक रुपमा बढि खर्च हुने र विशेष गरि महिला दिदी बहिनीहरुलाई अत्यन्तै आर्थिक भार पर्ने कुरा उल्लेख गर्दै सो पुचःले विज्ञप्ति जारी गर्दै सो अभियानमा सम्पूर्ण नगरवासीले साथ दिनका लागि अनुरोध गरेको छ । विवाह भएको पहिलो बर्षमा एक पटक मात्र म्हपुजा कु लान अनुरोध गर्दै समाज रुपान्तरणमा साथ दिनका लागि समेत आग्रह गरेको छ । सो पुचःले त्यसरी आह्वान गरेका कारण धेरैले म्हपूजा कु नलानेहरुको संख्या बढ्दै गएका कारण उक्त कार्य सहानिय भएको टिप्पणी गर्न थालका छन् ।