कीर्तिपुर गाईजात्रा २०७४ को ख्यालःको तारो कीर्तिपुरको मेयर

कीर्तिपुर गाईजात्रा २०७४ को ख्यालःको तारो कीर्तिपुरको मेयर

      गुँलागा पारुको दिन हरेक नेवाः वस्तीमा वर्षदिनभित्र स्वर्गवास हुने आफ्ना आफन्तहरुको सम्झनामा र उनीहरुको वैतरणी तार्नको लागि विभिन्न झाँकी प्रस्तुत गर्ने गरिन्छ । यो तरिका हरेक गाउँ ठाउँमा आफ्नै किसिमको हुन्छ । अर्थात फरक फरक ठाउँको फरक फरक किसिमको हुन्छ ।

सापारु नेवारहरुको एउटा हास्यव्यंग प्रस्तुत गर्ने पर्व पनि हो । समाजमा विद्यमान सामाजिक, राजनैतिक, आर्थिक विसंगतिलाई व्यंगको रुपमा प्रस्तुत गर्ने गरिन्छ । यस प्रस्तुतिबाट कोही रिसाउन पाईंदैन । कुनै कारवाही पनि गर्न पाईंदैन । यो परंपरादेखि चलि आएको चलन हो । यसले मानिसलाई नैतिकवान, चरित्रवान र इमान्दार हुन सचेत गराउँछ ।

यसपालीको गाईजात्रामा गाईजात्रे ख्यालः व्यंगको तारो कीर्तिपुर नगरपालिकाको नवनिर्वाचित मेयर बनेको छ । हातमा सुटकेश बोकेर मेयर बनेर आउने मानिसको ढाडमा यसरी लेखेको छ ः
डाडु र पन्यू हातमा हुनेले
जे गरे पनि हुन्छ, जे पकाए पनि हुन्छ,
जसरी खाए पनि हुन्छ ।

नेपाल सरकारले निर्वाचित पदाधिकारीहरुलाई तलव नतोके पनि आफैले तलब लिने निर्णय गरेकोप्रति संकेत गरिएको देखिन्छ ।

त्यस्तै सुटकेश माथि ताँल्चाको पीच बाटोको फोटो राखेर यसरी लेखिएको छ ः
नपाउनेले पायो, पाउनेले अलकत्रासँगै बोक्रासमेत खायो ।
की.न.पा.को बजेटलाई पनि व्यंग गरिएको छ ।

 २० वर्षपछि कीर्तिपुरमा भोज र मोज गर्न छुट्याएको रकम रु ७९
करोड ७६ लाख १४ हजार .....
कीर्तिपुर विकास परिषद गठन गरेर २० लाख रुपैया छुट्याएको र निर्माण कम्पनी गठन गर्ने निर्णय गरेर १ करोड बजेट छुट्याएकोप्रति व्यंग गरेको सबैले अनुमान गरिएको छ । यसपालीको यो ख्यालः हिट भएको छ ।