कीर्तिपुरका धर्म महर्जन बर्लिन म्याराथनमा भाग लिन जाने
कीर्तिपुर सन्देश साप्ताहिक
कीर्तिपुरका भेट्रान म्याराथन धावक धर्म महर्जनको आगामी आश्विन १२ गते हुने विश्वको चर्चित बर्लिन म्याराथन दौडमा सहभागी हुने भएको छ । त्यसको लागि यही भाद्र ३१ गते उहाँ त्यसतर्फ जानुहुने भएको छ ।
उहाँको सफलताको कामना गर्दे कीर्तिपुर खेलकुद विकास समाजले यहि भाद्र २४ गते विहान ८ बजे विदाई तथा शुभकामना प्रदान गर्ने कार्यक्रम रहेको छ ।
स्मरणीय छ उहाँले यो भन्दा अगाडी वेस्टन म्याराथनमा भाग लिनु भएको थियो ।
उक्त दौडमा उहाँले ३ घण्टा ५ मिनेटमा दौड पूरा गर्नु भएको थियो भने विश्व चर्चित अन्य चारवटा म्याराथन दौड सिकागो, लण्डन, टोकियो र न्यूयोर्क म्याराथन दौडमा भाग लिने लक्ष्य धावक धर्म महर्जनले राख्नु भएको छ ।
No comments:
Post a Comment