सत कर्मको गन्तब्य .. नरेन्द्रमान महर्जन, खासीबजार, कीर्तिपुर

 सत कर्मको गन्तब्य .. 

नरेन्द्रमान महर्जन, खासीबजार, कीर्तिपुर

लक्ष्य प्राप्तिको निम्ति कठोर तपस्या पश्चात मोक्ष प्राप्त गर्छ, यहि मानविय कर्म हो । बहुप्रतिभाशाली रचनाकार, संगीतकार तथा गायक नरेन्द्रमान महर्जनसंगको छोटो संवाद 

प्रस्तोता ः पवन जोशी

१.नरेन्द्रजी नयां नौलो हाल खबर के छ ?

—माहामारीको बेला छ, सचेत भएर स्वास्थ्यको ख्वाल त राख्नै प¥यो । सरकारी जागीर पछि घरायसी काम र नयां गीत रचना श्रृजना, संगीत श्रृजना गर्दै रियाजमै दिन चर्या वित्दै छ ।

२.नेवाः आइडल प्रतियोगिताको पहिलो चरण लाइभ अडिसनमा छनोट हुनुभयो कस्तो महसुस गर्नुभयो ?

—नेवाः आइडलका सम्पूर्ण आयोजकहरु प्रति आभार व्यक्त गर्दछु । अडिसन राउण्डमा छनोट हुन पाउँदा म र मेरो परिवार धेरै खुसि भएका छौं । मैले रचेका गीत, संगीत नेवाः आइडल मार्फत नेवाः पहिचान देखाउने सुअवसर मिलेकोमा जीवनकै महत्वपूर्या उपलब्धीको रुपमा लिएको छु ।

३.पुनः लकडाउन सुरु भयो मानवीय जीवनमा कस्तो प्रभाव पर्न जान्छ ?

—विगत २ वर्ष देखिन कोभिडको चपेतामाा मानव जीवन अस्टव्यस्ट भएको सर्वविदितै छ । हाम्रो जस्तो निम्नवर्गको जीवन कष्टकर हुन्छ ।

४.सानै देखि संगीत कला मैदानमा आवद्ध हुनु भयो उपलब्धी ?

—म कीर्तिपुर कुटुझो आखाछेँको सन्तान मेरो बुबा, बाजे उक्त आखाछेँ भजनको आदरणीय संगीत गुरु हुनुहुन्छ । म सानैदेखि सुन्दै सिक्दै आज संगीत कला क्षेत्रमा पाइला टेक्न सफल भएको छु । गुरुहरुको आशिर्वादले नेवाः आइडल पहिलो चरणमा छनोट हुन पाएँ ।

५.संगीतको परिभाषा ?

शब्दको भावनात्मक अभिव्यक्तनै संगीत हो ।

६.यहांले हिजोसम्म के कतिवटा संगीतकला श्रृजना गर्नुभयो ?

—आजसम्म आफ्नै रचना, संगीत र स्वरमा ३ वटा गीतको रेकर्ड गरें । गीतहरु धेरै श्रृजना गरें । Short Movie वनाउने क्रममा मैले कवितात्मक लघु सिनेमा निर्माण गरेको छु सायद नेपालको इतिहासमा Poem Base Short Movie हुनु पर्छ ।

७.म्युजिक भिडियो निर्माण गर्नुको अर्थ ?

—पहिले प्रायः श्रोताहरु गीत सुन्ने गर्नुहुन्छ समय परिवर्तन भयो गीतको भावनात्मक अभिव्यक्त हेर्ने दर्शकहरुको चाहना बढ्यो । प्रचार प्रसारको निम्ति म्यूजिक भिडियो निर्माण गर्न बाध्य भयो । 

८.भाषिक आन्दोलन भन्नाले ?

—सिगो नेपालमा बोलिने सबै मातृभाषालाई समान राष्ट्रिय भाषा हुनुपर्छ विभेद गर्न पाईंदैन त्यसैले सबै स्कुलमा मातृभाषाको अध्ययन अध्यापनको थालनी भएको छ, यो पनि एक प्रकारको भाषिक आन्दोलन हो ।

९.अन्तमा ?

—कीर्तिपुर सन्देश साप्ताहिक मार्फत मनका कुराहरु राख्ने मौका दिनु भएकोमा कीर्तिपुर सन्देश साप्ताहि पत्रिका परिवार प्रति आभार व्यक्त गर्दछु ।