प्रवासका नेपालीहरु आगामी निर्वाचनमा कस्तो परिवर्तन चाहन्छन ?

 प्रवासका नेपालीहरु आगामी निर्वाचनमा कस्तो परिवर्तन चाहन्छन ?

स्थानीय चुनावको समाप्ति सँगै अर्को संसदीय चुनाव प्रतिनिधि सभा र प्रदेश सभा निर्वाचन एकै चरणमा आगामी मंसिर ४ मा गर्दै गर्दा चर्चित संचारकर्मिहरु, उच्च पदस्थ व्यक्ति नयाँ दल खोल्ने होडवाजी वा चाहना साथै पुराना पार्टीमा बैचारिक सैद्धान्तिक असमानता, पदीय बाँडफाँड, लोभका कारण पछिल्लो समय प¥mन्टलाईनमा आउने मनसाय तिब्र देखिन्छ । नेपालमा विभिन्न राजनीतिक सामाजिक परिवर्तन सँगसँगै विभिन्न चरित्र र चित्रका नेताहरुको आगमन र बहिर्गमनले ठूलो फड्को मा¥यो । समयको माग सँगै देश विकास हुनलाई शिक्षित व्यक्तिलाई राजनीतिमा आउनै पर्छ र नेपाली राजनीतीमा पुस्तान्तरण हस्तान्तरणको बहस पनि नदेखिएको पक्कै होइन ।

तसर्थ अहिलेको वर्तमान राजनीतिक परिवेशलाई हेर्दा यहाँका राजनीतिक दलका प्रायः सबैका अलग अलग एजेण्डा, मुद्दा एवं सत्ता मोहको गंभीर चपेटा रहेका बेला प्रवासमा रहेका नेपालीहरु अब आउने निर्वाचनलाई लिएर के खालको अभिव्यक्ति दिइरहेका छन त ? हामीले उनीहरुको जवाफ खोज्ने प्रयास गरेका छा्

प्रस्तुति ः सचिन्द्र श्रेष्ठ

यो मुख्यःत पुराना राजनीतिक पार्टीप्रतिको वितृष्णा र घृणा हो जनताको ! आपूmले पाँच वर्षका लागि पठाएका जनप्रतिनिधि गरिव जनताको करबाट आफ्नै सेवा सुविधा बृद्धि गर्न उद्दत छन् । यीनीहरु यतिमा मात्र सिमित छैनन पदिय मर्यादाको ख्याल नगरी नीतिगत भ्रष्टाचार, कालो बजारी, ठेक्कापट्टा, तस्करी, बलात्कार जस्ता कानुन हातमा लिई अपराध गरिराखेका छन । 

यसको विकल्पमा अहिलेका हज्जारौं युवापुस्ता देश परिवर्तनको संवाहक बनेर देश दौडाहामा छन् । यसको उदाहरण भर्खरै भएको स्थानिय निकायको चुनावमा काठमाडौं महानगर, धनगढी र धरान उपमहानगरमा स्वतन्त्र उम्मेदवार भारी मतले विजयी भएर कार्यसम्पादन गरिराखेका छन । मंसिरमा हुने संघिय निर्वाचनमा पनि छुट्टै दल दर्ता वा स्वतन्त्र उम्मेदवार घोषणा गर्ने ट्रेन्डनै चलेको छ । 

देशमा बढेको बेथिति विरुद्ध आवाज उठ्न थालेको छ अहिले सिंहदरवारमा भएको कालो कर्तुत (बेथिति) नागरिकले मोबाईलबाटै विरोध गर्छ र सजक पनि गराउँछ । केहि नेता र उसका टुकडी आफ्नै पार्टीबाट भागबन्डामा चित्त नबुझेर जनता झुक्याउन पुरानो बोतलमा नयाँ बिर्को लगाएझै गरेर केहि जिल्ला दौडाहामा रहेका छन । तिनीहरुलाई हामी जनताले मंसिरमा हुने निर्वाचनमा कहिल्यै उठ्न नसक्ने गरी पल्टाउनुपर्छ । 

आउने संघिय निर्वाचनमा एक निडर, राष्ट्र, राष्ट्रियता र कानुनलाई कार्यान्वयन गर्दै जनतालाई सर्बोपरि ठानी देशलाई समृद्धिको बाटोमा डो¥याउने निडर नेता छान्न जनताले आफ्नो अमूल्य मताधिकारको प्रयोग गर्नेछन ।

सजन के.सि. हाल दुबई

     स्थानीय चुनावको समाप्तिसँगै अर्को संसदीय चुनाव आगामी मंसिर ४ मा गर्दै गर्दा चर्चित संचारकर्मिहरु, उच्च पदस्थ व्यक्ति साथ साथै अन्य कैयौं व्यक्तिबाट उमेदवारी घोषणालाई मुख्य त असफल राजनीति, भ्रस्टाचार, कानुन विपरितको काम, नाताबादु कृपाबाद देश विकास नहुनु, बेरोजगार लगायतका धेरै कुरा छन ।

अर्को तर्फ हेर्ने हो भने स्थानीय चुनावमा स्वतन्त्र उमेदवारलाई जनताले गरेको विश्वासले अब जनतामा पनि स्वतन्त्र चेत पसेको बुझ्न गाह्रो छैन यस्ले गर्दा केही गर्न सक्छु भन्ने व्यक्तिलाई हौसला बढेको हुनसक्छ ।

यो हाम्रो जस्तो पिछडिएको समाजको लागि खुशीको कुरा पनि हो नयाँ व्यक्ति वा पार्टी आउनुले पक्कै पनि सकारात्मक प्रभाव राख्ने छ । पुरानोलाई साँच्चिनै दबाब हुने छ भने नयाँले अबसर पाएको खण्डमा केहि गरेर देखाउनु पर्ने भएकोले समाजलाई एक कदम भए पनि अगाडि जान सहयोग हुने अपेक्षा छ ।

अर्जुन आचार्य,  हाल द.कोरिया 

पचास वर्ष भन्दा बढी भइसक्यो यिनीहरुले राजनीतिक गरेको कति पटकसम्म यिनीहरु सत्तामा गए गनेर सकिंदैन अब कति वर्षसम्म एउटै पार्टी उही अनुहारलाई अवसर दिने ? हाम्रो देशमा परिवर्तन परिवर्तन हाम्रै पालामा पालामा सम्भव छ । 

अब यस्ता भ्रष्टाचार, बिचौलिया, बेथिति, विसंगति, विबृति, कुकृति, लाजनीति, कुसंस्कृति, कुरीति, कुशासन, ठगबन्धन, गर्ने यी नेतालाई पत्ता साफ गर्नुको निम्ती... काममा पनि आपूmलाई सक्षम प्रमाणित गर्न सफल हुनुभएको उम्मेदवारलाई जनताले राष्ट्रको सत्तामा पु¥याउनै पर्छ । 

पार्टीको सिद्धान्तर र विचार बोकेर भाषणा गर्दै हिंड्ने रत र व्यवहारमा प्रयोग गर्न नसक्ने, पद र कुर्सीमा बढीनै लिप्त हुने बहुसंख्यक भएका कारण अझै पनि देशले चाहेजति गति लिन सकिरहेको अवस्था छैन । 

त्यसैले सोच बदलौं, भोट बदलौं, भाग्य बदलौं, देशका नेता बदलौं, भ्रष्टलाई फ्याली राम्रोलाई छानौं र भोट दिऔं । होईन भने जीवन भर रुदै  बसौं ।  जय नेपाल जय देश । 

समिर दाहाल हाल फुजिरा 

देशमा हरेक व्यवस्था परिवर्तन हुदैगर्दा , आम सर्वसाधारण नागरिकमा छुट्टै पूकारको आशा जाग्ने गर्दछ । तर, विभिन्न समयमा देशमा विभिनन परिवर्तन हुदै, लोकतन्त्र र गणतन्त्र जस्ता व्यवस्थाले सम्पूर्ण नागरिकलाई लोभ्याउने स्थिति त बनायो । तर, जुन जोगी आएपनि कानै चिरेको जस्तौ अझ हात्ति आयो हात्ति आयो फुस्स जस्ता बनाउँदै आईरहका, राजनीतिक दल लगायत नितका नेताहरुसंग आमजनता वाक्क छन् । 

तसर्थ, जस्ले नयाँ स्वरुपमा आफ्नो दलसंगै केहि खास एजेण्डा जनता समाु पु¥याउने गरेका छन् । त्यस्तै नेताहरुलाई अम जनताले पछ्याउन थालेको परिणामाहरु विगतको स्थानीय तहको निर्वाचनले देखाएको छ । 

जस्तै उदाहरणको लागि बालेन शाह, गोपाल हामाल र हर्क साम्पाङ राई आदि हुन । त्यसैले पनि आगामि मंसिर ४ को संसदीय चुनामा राष्ट्रिमा केहि गरेर देखाउने हुटहुटि हुने साथै चर्चित पत्रकार लगायत उच्च पदस्थ ब्यक्तिहरुकाले नयाँ दल र नयाँ एजेण्डाहरु लिएर जनतासामु पुग्ने होडबाजि वा चाहाना भएको देखिन्छ । 

कृष्ण विक्रम भण्डारी,  हाल साउदी अरब

१२ बर्ष झोला भरि बोकेको किताबले नबुझेको जिन्दगी १२ पानाको पासपोर्टले पुरै जिन्दगी के हो भनेर बुझाएको बेलामा हामी आफ्नो जन्मभूमि छाडेर पराई देशमा दस नंङग्रा खिाउनुको पीडा तितो छ तर अहिलेको चुनावमा दल गत खिचातानि, अहम पनले आजकाल मलाई लाग्छ यो हुटहुटी, चाहाना र होडबाजी आम सचेत नागरिमा हुन स्वाभाविक नै  हो । 

किनकी नेपालमा हाल सम्मको राजनीतिक स्थिरता परम्परागत राजनीतिक शैली, कुनै पनि व्यक्तिमा नेतृत्वदायी भूमिका, असमान विधि र पद्धति, हैकमवादी शासन प्रणाली आदि जस्ता कुराहरुले गर्दा अहिले युवा पुस्तामा यी धारणा र बिचारहरु आउनु स्वभाविक हो जस्तो लाग्छ मलाई । त्यसैले अव आउने नेतृत्व तहले बिचार पु¥याएर र जनताले पनि सही व्यक्ति छानेर नीतिगत तहमा पु¥याउन सके देशकै कोल्टै फेर्नैछ । 

लेखनाथ शर्मा, हाल बेलायत 

दुनियाँमा कुनै पनि देशको राज्यसत्ता उस देशको एकमात्र चाबी हो जस्ले देशलाई कुनै गतिमा, कुनै देशमा अग्रसर गराउने हो भन्ने कुराको एकिन गर्नै पर्छ । हाम्रो देशको परिप्रेक्षमा राज्यसत्ताको संचालन भनेको जनताले आफ्नो मताधिकार प्रयोग गरि पठाएका जनप्रतिनिधिहरुबाट हुने गरेको छ । यस सन्दर्भमा अहिले नेपालमा देखिएको अराजकता, भ्रष्टाचार अनि जनताद्धारा छानिएर गएका जनप्रतिनिधहरुको लाचारीपनले कसैमाथि विश्वास गर्ने ठाउँ नरेहकोले र पार्टी भन्दा ब्यक्ती ठूलो हो भन्ने कुराको एकिन दिलाउन आफ्नो अमुल्य मताधिकार प्रयोग गरि देशलाई नयाँ विकासको मार्गमा अग्रसर गराउन सक्ने नेतृत्वको खोजिमा चर्चित संचारकर्मी, उच्च पदस्थ व्यक्ति अनि सैद्धान्तिक र वैचारिक मतभेद राख्ने ब्यक्तिहरुप्रति जनताको आकर्षक बढेको र पुराना पार्टी प्रतिको वितृष्णालाई समाप्त पार्नका लागि यो होटबाजी चलेको देखिन्छ । 

अर्जुन शर्मा पौडेल, हाल भारत

आजित भएर दलहरुसंग आक्रोशित जनताले भर्खर मात्र सकिएको स्थानीय निर्वाचमा राम्रो आक्रस पोखेको देख्न सकिन्छ । जसको उदाहरण हुन काठमाण्डौ महानगरपालिकामा मेयर बालेन्द्र साह र धरान उपमहागनरपालिकाका हर्क साम्पाङ राई लगायतका विभिन्न स्वतन्त्र उम्मेदवारहरुको विजयी यात्रा, जनतामा राजनीतिक दलप्रति वितृष्णा लागेको सहजै महसुस गर्न पाइन्छ । अव आउदै गरको मंसीर ४ गतेको संसदीय चुनावमा चर्चित संचारर्मि, उच्च पदस्थ ब्यक्ति र आफ्नो पार्टीमा भागबण्डा नमिलेर नयाँ दल गठन गरी निर्वाचनमा होमिनेको लामो लर्को छ । जनताले नेपालमा प्रत्येक बहुदलीय नेताहरुलाई निर्वाचित गरेर हेरी सके अव नयाँ जोश जागर र दलीय पद्धति बाहिरका भ्रष्टाचार विरोधी राष्ट्रलाई निस्वार्थ माया गरी विकास गर्ने खालका ब्यक्तिहरुको चुनावी एजेण्डा हेरी मतदान गर्नेछन् भन्ने लागेको छ । अझ पनि पार्टीका झोला र पार्टीलाई सहयोग गर्ने गुण्डाहरुलाई खान दिई अव पनि भष्टाचार गर्नेहरुलाई मतदान दिन भनेको आफ्नो घर खेत अनि रगत पसिना दिए सरह हो तसर्थ यसपालीको निर्वाचन देशप्रेमी युवालाई मतदान । समय आएको छ बेलैमा होस पु¥याउ र देश विकास मद्दत गरौं । 

प्रेम खडका,  हाल जापान