खेलमैदानमा बनाएको रिटेनिङ्ग वालको बारेमा के निर्णय गरेको छ ?

 खेलमैदानमा बनाएको रिटेनिङ्ग वालको बारेमा के निर्णय गरेको छ ?

फोटो ः दुर्गालाल शाही

कीर्तिपुर नगरपालिकाका निवर्तमान जनप्रतिनिहरुले कीर्तिपुर न.पा. वडा नं.१० नयाँबजारमा रहेको खेलमैदानलाई प्याराफिटसहित फुटवल ग्राउण्ड बनाउन खेलमैदानलाई खाल्डो बनाइयो । खेलमैदानलाई उत्तर दक्षिण लम्बाई लामो बनाउन मैदानको दक्षिणतिर आरसिसि रिटेनिङ्गवाल बनाएको थियो । तर वाल बनाउन नसकिंदै यसपालीको झरीमा सो वाल क्षत विक्षत भएको छ । सो वाल के कसरी भत्कियो भन्ने बुझनका लागि की.न.पा.वडा नं.९ का वडा अध्यक्ष दिनेश श्रेष्ठको संयोजकत्वमा एउटा छानविन समिति बनाइयो । जसको आधारमा कारवाही गर्न निम्नलिखित निर्णय भएको छ ।

फोटो ः निशान्त मान सिंह

कीर्तिपुर न.पा. वडा नं.१० स्थित खेलमैदान आरसिसि रिटेनिङ्ग वाल निर्माण योजना अन्तर्गत भएको आरसिसि रिटेनिङ्ग वाल भत्केको विषयमा सत्यतथ्य छानविन गर्नका लागि गठित समितिले पेश गरेको प्रतिवेदनका आधारमा उक्त निर्माण कार्यमा संलग्न भएका निर्माण व्यवसायी, उपभोक्ता समितिहरुका पदाधिकारीहरु, अनुगमन समितिका पदाधिकारी र संलग्न प्राविधिक कर्मचारीहरुसँग छलफल समेत भईसकेको सन्दर्भमा उक्त भत्किएको रिटेनिङ्ग वाल यथास्थितिमा दुरुस्त बनाउन निर्माण व्यवसायी र उपभोक्ता समितिलाई पत्राचार गर्ने निर्णय गरियो ।