कीर्तिपुरको नयाँबजारस्थित खेलकूद मैदान अहिलेसम्म नबन्नुका कारण के होला ?

 कीर्तिपुरको नयाँबजारस्थित खेलकूद मैदान अहिलेसम्म नबन्नुका कारण के होला ?

खेलकूद मैदानको हालको अवस्था

कीर्तिपुरको प्रवेशद्वारमा रहेको खेलकूद मैदानको हालत कीर्तिपुर प्रवेश गर्ने जो कोहीले देखेकै होला । यो खेल मैदानको यस्तो हालत भएको पनि ३ वर्ष भयो । अहिलेसम्म जस्ताको तस्तै कसैले बनाएको होइन । हरेक वर्षातमा त्यो चौरको माटो बगाउँदै बगाउँदै अहिले त मुख्य सडक नै लगिएला भन्ने डर लाग्न थालेको छ । 

उक्त खेल मैदानमा स्कुलका बालबालिकाहरु फुटवल, किक्रेट आदि खेल खेल्ने गथ्र्यो । जाडो महिनामा मानिसहरु त्यहाँ घाम टाप्दै बदाम खाँदै आनन्दित हुन्थ्यो । सिरक, डसना बनाउनेहरु पनि त्यहिं बसेर बनाउँथ्यो । साना साना नानी बाबुहरुलाई खेलाउन ल्याउँथ्यो । कतिपय विद्यालयहरुको खेलकुद सप्ताह नै यस चौरमा आएर मनाउँथ्यो ।

निर्माण पुरा नहुँदै प्राकृतिक प्रकोपले विगारेको शेरवाल, यसैलाई आधार मानेर अख्तियारमा भ्रष्टाचारको रिपोर्ट दिएको थियो ।

पूर्व मेयर रमेश महर्जनले आफ्नो कार्यकालको अन्तिम समयमा प्याराफिटसहितको खेलकुद मैदान बनाउन मैदानको माटो हटाएर खाल्डो खन्यो । काम नसकिंदै वर्षात सुरु भयो । कीर्तिपुरको आधाभागको पानी पाइपबाट र खुल्ला ढलबाट त्यस चौरमा पुग्थ्यो । त्यही वर्ष वर्षातमा धुमधामले पानी प¥यो । खाल्डो खनेको ठाउँमा पानी जम्मा भयो । तलाउजस्तो अवस्था सृजना भयो । राती अचानक ताल फुटेको जस्तो गरी ती जमेको पानी खाल्डो उछिनेर बग्यो । त्यस्तै तल चिखू खोलामा पनि बाढी आएको थियो । माथिको पानीले तल धकेलेको र तलको पानीले सेरवाललाई तान्दाखेरि तल बनाई राखेको सेरवाल भत्काएर टुक्रा टुक्रा पारी दियो । त्यसलाई प्राकृतिक प्रकोप भने पनि हुन्छ । त्यही बेला कीर्तिपुर नगरपालिका वडा नं. २ को नगच्वः र वडा नं.४ को तामाङ बस्तीमा पनि विभिन्न ठाउँमा क्षति पु¥याएको थियो । त्यसबेला कृषी बागवनी र एपिएफको पर्खाल पनि भत्कीएको थियो 

ढल निकास व्यवस्थित गर्न ल्याईराखेको ह्यूम पाईपहरु,

 त्यसबेला अरु सबै प्राकृतिक प्रकोप भनेर सिफारिस गरी बजेट बिनियोजन गरी निर्माण गरिएको थियो । यो खेलकूद मैदानलाई मात्र प्राकृतिक प्रकोप नभनीकन नेतृत्वलाई फसाउने प्रयास गरिएको देखियो । भ्रष्टाचार भएको आशंकामा अख्तियारमा उजुरी हालियो । 

कीर्तिपुर नगरपालिकामा नयाँ नेतृत्व आयो । खेलकुद मैदान पुनःनिर्माणमा भ्रष्टाचार भएको भनेर कसैले अख्तियारमा रिपोर्ट दियो । त्यो क्षतिको बारेमा ई.विजय महर्जनको अध्यक्षतामा एउटा छानबिन समिति बनायो । जसको रिपोर्टमा भ्रष्टाचार आएको गन्ध देखियो । त्यसैले अख्तियारले त्यहाँ केही निर्माण नगर्नु भन्ने आदेश दियो । अख्तियारले छानबिन गर्दा कारवाही नै गर्नुपर्ने किसिमको खासै प्रमाण फेला पार्न सकेन । भ्रष्टाचार हुँदै नभएको भन्न पनि सकेन । त्यसैले त्यतिकै कारवाही वा फुकुवा नगरीकन राखी राख्दा खेल मैदानको दुरावस्था भएको हो ।

अहिले त्यो खाल्डो गुहु घारीजस्तो भैसकेको छ । पाईपलाइन खुल्ला भएर बगिरहेको छ । जसले गर्दा बिहान बेलुका खपिनसक्नु दुर्गन्ध फैलिन्छ । अब गर्मी महिना आउन लागेको छ । यो फोहोरको दुर्गन्धले विमारी फैलियो भने जिम्मेवार को हुने ? पाईपलाईन बनाउन त अख्तियारले रोक्दैन होला ।  अहिले कीर्तिपुरवासीको एउटै माग रहेको छ जसरी हुन्छ त्यो खेलमैदान बनाउनु प¥यो । यदि कसैको दोष देखिएमा उसलाई कारवाही गर्नुप¥यो होइन भने तुरुन्त बनाउनु प¥यो ।