साउथ वेस्ट क्रिकेट क्लब काठमाडौं जिल्ला यु–१९ छनोट च्याम्पियन

अंक ११७ ने. सं. ११३४ कछलाथ्व तृतिया बुधवाः २०७० कार्तिक २० गते बुधवार Nov-6, 2013

 

साउथ वेस्ट क्रिकेट क्लब काठमाडौं जिल्ला यु–१९ छनोट च्याम्पियन

नवीन महर्जन

गत कार्तिक १४ गते सम्पन्न काठमाण्डौं जिल्ला यु–१९ छनोछ क्रिकेट प्रतियोगिताको च्याम्पियन बन्न यस भेगमा स्थापित साउथ वेस्ट क्रिकेट क्लब सफल भएको छ । गत विहिवार सम्पन्न उक्त फाइनल खेलमा साउथ वेस्ट क्रिकेट क्लबले नेपाल क्रिकेट फ्यान क्लबलाई ४ विकेटले पराजित गरेको थियो ।

पुल्चोक क्याम्पसको क्रिकेट मैदानमा टस जितेको एनसीएफसीले २३.२ ओभरमा १ सय ११ रन बनाई अल आउट भएका थिए । जवाफी ब्याटिंगमा साउथ वेस्ट क्रिकेट क्लबले ओपनर निराजन के.सी.को व्यक्तिगत ४१ रन बनाए पछि साउथ वेस्टले लक्ष्य प्राप्त गर्न सफल भएको थियो । यस खेलको म्यान अफ द फाइनल पनि ६२ बल खेली ४ चौका प्रहार गर्ने निराजन के.सी.लाई घोषित गरिएको थियो । साउथ वेस्टको तर्फबाट दिपेश दास र शरद खड्काले २–२ तथा रविन खडका, आशिष पोखरेल, सम्वद्र्धन दवादी र गोकर्णले १÷१ विकेट हात पारेको थियो ।

व्यक्तिगत तर्फमा उपाधि महावीर क्लबले जित्न सफल भएको छ । यस प्रतियोगिताको उत्कृष्ट बलरमा सौरभ ध्वज राणा, उत्कृष्ट ब्याट्स म्यान र म्यान अफ द सिरिज प्रकाश विष्टलाई घोषित गरेको थियो ।

यसै छनोट प्रतियोगिताद्वारा काठमाण्डौं जिल्ला यु–१९ टोलीको छनोट गरिएको छ । जस्मा कप्तान विभत्सु थापा, प्रकाश विष्ट, सौरभ ध्वज राणा, सोमपाल कामी, अर्जुन अधिकारी, रमेश श्रेष्ठ, पुरन विष्ट, मौलिक श्रेष्ठ, नविन यादव, तेज नारायण, आशिष धामी, रविन खड्का, शरद खड्का र निराजन के.सी. रहेका छन । प्रशिक्षकमा सामजङ थापा र व्यवस्थापकमा सुभाष गौतम रहेका छन ।

स्मरण रहोस साउथ वेस्ट क्रिकेट क्लबले सेमिफाइनलमा वालुवाटारलाई ४९ रनले पराजित गरी फाईनलमा पुगेका थिए । उक्त खेलमा साउथ क्रिकेट क्लबले ब्याटिङ्ग गर्दै २५ ओभरमा ८ विकेटको नोक्सानीमा १४९ रन बनाएको थियो । जबकि ब्याटिङ्गमा बालुवाटार २२.५ ओभरमा १०० रन बनाई अल आउट भएका थिए ।

त्यसैगरी अर्को सेमि फाइनलमा नेपाल क्रिकेट फ्यान क्लबले महाविर क्लबलाई ४२ रनले पराजित गरी फाईनलमा पुगेका थिए ।

मनाङ मस्याङ्दी क्लबद्वारा सफल कपको उपाधि रक्षा

पोखरामा गत कार्तिक १६ गते सम्पन्न तेस्रो सफल कपको उपाधी रक्षा गर्न सफल भएको छ । उक्त दिन सम्पन्न फाइनल खेलमा मनाङले चीरपरिचीत थ्रीस्टार क्लबलाई २–१ गोलले पराजित गरी उपाधी रक्षा गरेको थियो । फाइनल खेलमा मनाङ्गको लागि सुजल श्रेष्ठ र विशाल राईले १÷१ गोल गरेका थिए भने थ्रीस्टारको लागि कप्तान सन्तोष साहुखलःले १ गोल गरेका थिए ।

प्रतियोगितामा उत्कृष्ट खेलाडी मनाङका दिपक राई, उत्कृष्ट प्रशिक्षक मनाङकै हेमन्त आले, उत्कृष्ट गोल किपरमा पनि मनाङकै विशाल राई, त्यसैगरी उत्कृष्ट स्ट्राइकरमा हङकङ नेप्लिज फुटबल एशोसियसनका भिक्टर नाजी, उत्कृष्ट रक्षक थ्रीस्टारका सन्दिप राई, उत्कृष्ट मिडफिल्ड मनाङकै शिव श्रेष्ठ तथा सर्वाधिक गोलकर्ता हङकङ नेप्लिज फुटवल उसोसियसनका भिक्टर नाजी घोषित भएका थिए । यस प्रतियोगितामा प्रथम हुन सफल मनाङले ३,५५,०००|- नगद सहित ट्रफी एवंम मेडल त्यसैगरी उपविजेता थ्रीस्टारले २,०१,०००|- सहित ट्रफी र मेडल प्राप्त गरेका थिए । उत्कृष्ट खेलाडीले मोटर साईकल र अन्य विधामा सफल खेलाडीले नगद रु. १५,०००|- नगद प्रदान गरेको थियो ।

मनाङले यो प्रतियोगितासहित भुटानमा भएको किंग्स कप तथा काठमाण्डौंमा भएको ब्रिटिस गोर्खा कपमा विजयी भई यो सिजनका फुटवल उपाधिमा ह्याट्रिक गरेका थिए ।

नेपालको फुटबलमा मनाङ मस्र्याङ्गदी एक चर्चिट क्लब हो । यसले आफनो फुटवल प्रदर्शनमा सँधैं उत्कृष्ट प्रदर्शन कायम गरी आएको छ । चाहे शहिद स्मारक ‘ए’ डिभिजन लिग होस् वा अन्य नकआउट प्रतियोगिता होस् । स्मरणरहोस शदि स्मारक ‘ए’ डिभिजन लिगमा अन्तिम खेलमा थ्रीस्टारलाई पराजित गरी उपविजेतामा चित्त बुझाउनु परेको थियो ।

चुनावी घोषणा पत्रमा खेलकुदलाई प्राथमिकता दिनु सकारात्मक पक्ष

अंक ११६ ने. सं. ११३३ कौलागा एकादशी बुधवाः २०७० कार्तिक १३ गते बुधवार Oct -30, 2013

चुनावी घोषणा पत्रमा खेलकुदलाई प्राथमिकता दिनु सकारात्मक पक्ष

नवीन महर्जन

खेलकुद जीवनमा एउटा अति आवश्यक पक्ष हो । सम्पूर्ण मानव जातिलाई एउटै सुत्रमा बा“ध्ने मूलमन्त्र खेलकुद हो । विश्वमा कुनै पनि राष्ट्रमा खेलकुदलाई उतिकै महत्वको रुपमा हेरिने गरिन्छ ।             

राजनैतिक, आर्थिक, सामाजिक एवं धार्मिक रुपमा कटुटा रहेका राष्ट्रहरु, नगर, गाउ“ टोल बस्तीहरु पनि खेलकुदको कारण एउटै धागोमा बा“धिएको अनेकौं उदाहरणहरु निकै पाउ“छौं । यसकारण आजभोलि विश्व भरि खेलकुद व्यावसायिक रुपमा सफल भैराखेको छ । विश्वस्तरीय कुनै पनि प्रतियोगिता आयोजना गर्न सके र त्यस्ता प्रतियोगितामा सहभागि भै कुनै स्थान जित्न सफ भएको खण्डमा विश्वभरी चर्चिट हुनुको साथै आर्थिक रुपमा पनि सबल हुन्छ । तसर्थ विश्वका कुनै पनि राष्ट्रले खेलकुदलाई निकै प्राथमिकता साथ अगाडि बढाउने योजना बनाउ“दै आएको छ । जस्को अनुसरण गर्दै हाम्रो देश नेपालले पनि केही योजनाहरु बनाउनतिर अघि सरेको देख्न सकिन्छ । नेपालमा हुने कुनै पनि अन्तर्राष्ट्रिय प्रतियोगितामा नेपाली दर्शकहरुको अपार सहभागिता र समर्थकले यस तर्फ सोच्न सम्पूर्ण राजनैतिक पार्टीहरुलाई बाध्य बनाईएको छ । जस्ले गर्दा यही आउ“दो मंसिर ४ गते हुने दोस्रो संविधान सभाको घोषणा पत्रमा देशको प्रमुख दलहरुले खेलकुदलाई निकै प्राथमिकताका साथ समावेश गरिएको पाइएको छ । वास्तवमा घोषणा पत्रमा उल्लेख भए बमोजिमको नीति निर्माण गरी योजना बनाई खेलकुदहरुलाई अगाडि बढाएमा निकट भविष्यमै खेलकुद क्षेत्रको ठूलो उन्नति हुने देखिन्छ । वास्तवमा खेलकुद क्षेत्रलाई यति चासोको साथ हेर्नु नै सबभन्दा राम्रो कुरा हो । अझ यसलाई सा“च्चिकै लागु गर्न सके यस्को भविष्य निकै उज्ज्वल हुने देखिन्छ ।

खेलकुद क्षेत्रलाई सबैले हेलाको दृष्टिले हेर्ने गरिन्थ्यो ।  खेलेर के नै हुन्छ भनेर सोच्ने प्रवृति अझै पनि विद्यमान छ । यसलाई नकारौं, अहिले देशको सम्पूर्ण दलहरुले यसको महत्वलाई बुझने कोशिस     गरेको यसको अपरिहार्यलाई बुझी आ–आफ्नो घोषणा पत्रमा स्थान दिनु भनेको निकै सकारात्मक कुरो हो । देशको संविधानमा सम्पूर्ण राजनैतिक दलहरुले एक मत भई खेलकुद खेलाडी र राष्ट्रको हितलाई अल्पकालिक र दिर्घकालिन नीति निर्माण गरी संविधानमा दर्ज गर्नु भनेको भोलीका युवा शक्तिलाई आ–आफनो राष्ट्र प्रति निष्ठा पूर्वक लाग्नु पर्छ भनेर सिकाउनु जस्तै हो । आउ“दो संविधानमा खेलकुदलाई प्राथमिकता दिई गाउ“, नगर क्षेत्र स्तरिय राम्रो नीति निर्माण गरी लागु गर्न सके यसले देशको खेलकुद विकास गर्न सहयोग पुग्दछ । खेलकुदले कुनै पनि व्यक्तिको शारीरिक, मानसिक र बौद्धिक विकास गर्न सहयोग पुग्दछ । जब शारीरिक, मानसिक र बौद्धिक विकास हुन्छ उस्ले देशलाई समुन्नत दिशातिर लान सहयोग गर्दछ । तसर्थ बालक, युवक, प्रौढ सबैलाई अपरिहार्य क्षेत्र भनेको खेलकुद हो । 

हामीले खेलकुदलाई सब जुनियर, जुनियर, सिनीयर र भेट्रान गरी कुनै पनि स्तरमा लागु गर्न र प्रयोग गर्न सकिन्छ तसर्थ यस क्षेत्रलाई प्राथमिकता दिई सम्पूर्ण दलहरुले आ–आफनो घोषणा पत्र एवं प्रतिवद्धता पत्रमा यसलाई प्राथमिकता दिनुलाई निकै सकारात्मक रुपमा लिन पर्दछ ।

एन्फामा निर्वाचन हुने सम्भावना

अंक १११ ने. सं. ११३३ यंलाथ्व पुन्हि बुधवाः २०७० असोज २ गते  बुधवार  Sep -18, 2013

एन्फामा निर्वाचन हुने सम्भावना

नवीन महर्जन

नेपालको फुटवलको सर्वोच्च संस्था अखिल नेपाल फुटवल संघ (एन्फा) हो । एन्फाले राष्ट्रिय प्रतियोगिता, ए डिभिजन लिग लगायत अन्य डिभिजन लिग प्रतियोगिता, अन्तर्राष्ट्रिय प्रतियोगिता, गरी नाम र दाम कमाइराखेको संस्था हो । भर्खरै एन्फाले आठौं साफ च्याम्पियनसिपको सफल आयोजना गर्दै एएफसीलाई पनि मख्खै     पारेको छ ।

यस्तो संस्थामा आगामी कार्तिक ७ गते निर्वाचन गर्ने तय एन्फाले गरेको छ । जस्को लागि उम्मेदवारी दर्ता आगामी असोज ७ गते सम्मको लागि प्रावधान राखिएको छ । हालसम्म यस संस्थाको अध्यक्षमा गणेश थापाले निर्विरोध हुने कुरा लगभग पक्का भैसकेको छ तर उपाध्यक्ष र केन्द्रिय सदस्यमा समझदारीमा नभईकन निर्वाचन नै हुने देखिएको छ । उापध्यक्ष र केन्द्रिय सदस्यमा थुप्रै महत्वाकांक्षी देखिएका छन । चार वर्षे कार्यकालको लागि १ अध्यक्ष, ८ उपाध्यक्ष र २२ सदस्यीय गरी एन्फा कार्यसमिति ३१ जना रहने गरिएको छ । त्यसपछि महासचिव र कोषाध्यक्षमा मनोनयन गरिनेछ ।

हालसम्म आठ उपाध्यक्षका लागि गत सातासम्म ९ जनाले उम्मेदवारी दर्ता गराई सकेका छन । यसमध्ये कर्मा छिरिङ शेर्पा, विजय नारायण मानन्धर र किशोर राई वर्तमान कार्यसमितिमा उपाध्यक्ष हुन भने नयाँ अनुहारहरुमा हालका केन्द्रिय सदस्यहरु बसन्त अर्याल, सुनिल राणा, किरण राई, दिपक खाती, गोवद्र्धन सिंह, हरि श्रेष्ठ छन । यस संख्यामा यस हप्ता अझ बढ्ने सम्भावना रहेको छ । त्यसैगरी २२ जना सदस्य हुने यस एन्फामा अहिलेसम्म १४ जनाले उम्मेदवारी दर्ता गराईसकेका छन । हालसम्म सन्तोष बानिया, सुरेश शाह, देवेन्द्रमान सिंह वस्नेत, नेपाल कार्की, बाबुकाजी बस्नेत, रबिन्द्र कोजु, प्रकाश पंगेनी, युवराज श्रेष्ठ, भीम थापाले सदस्यमा उम्मेदवारी दिइसकेका छन । त्यसैगरी हालका केन्द्रिय सदस्यहरु रत्नकुमार श्रेष्ठ, पंकज नेवाङ, प्रल्हाद साह, समिर मोहम्मद र पूर्णमान चित्रकारले पनि सदस्यमा उम्मेदवारी दर्ता गराईसकेका छन । अझ बाँकी वर्तमान केन्द्रिय सदस्यहरुले पनि उम्मेदवार दर्ता गर्ने मनसाय राखेका छन । अध्यक्ष गणेश थापाले सकेसम्म निर्विरोध तरिकाले समझदारी गरी केन्द्रिय समिति बनाउने प्रयास गरीराखेका छन । तर यस्तै किसिमले उम्मेदवारी दर्ता भएमा पछिल्ला दुई कार्यकालमा एन्फामा कुनै पदमा निर्वाचन नभएको यसपाली निर्वाचन हुने पक्का पक्की हुने सम्भावना बढेको छ । एन्फाको साधारण सभामा २०० भन्दा बढी सहभागिता रहने भए पनि मताधिकार ७० जनाको मात्र रहेको छ । जस्मा हरेक जिल्लाको १÷१ गरी ४५ जना, ए डिभिजन १३ क्लबका १÷१ गरी १३ जना, बी डिभिजनबाट ५ जना, सी डिभिजनबाट ३ जना, खेलाडी, प्रशिक्षक, रेफ्रि, महिला समिति बाट १÷१ जना गरी ४ जनासँग मात्र मताधिकार रहने छ ।

मुख्य कुरा के हो भने कुनै पनि संघ, संस्थामा सँधै पुरानै सदस्यहरुको बोलबाला हुनु हुन्दैन । समय अनुसार नयाँ योजना र विचारलाई पनि प्राथमिकता दिनु अपरिहार्य हो । त्यसैको लागि सबभन्दा उत्तम उपाय समझदारी हो तसर्थ यसलाई प्राथमिकता दिनु अहिलेको आवश्यकता देखिन्छ नभएमा मात्र अन्य विकल्प खोज्नु पर्ने देखिन्छ ।

साफ च्याम्पियनसिपको फुटबलको फाइनल आज

ने. सं. ११३३ यंलाथ्व षष्ठी बुधवाः २०७० भाद्र २६ गते  बुधवार Sep -11, 2013

 

साफ च्याम्पियनसिपको फुटबलको फाइनल आज

नवीन महर्जन

गत भाद्र १५ गतेदेखि  प्रारम्भ भएको साफ च्याम्पियनसिप फुटवलको फाइनल खेल आज अफगानिस्तान र भारत  विच सम्पन्न हुादैछ । उक्त प्रतियोगिताको पहिलो सेमिफाइनल खेलमा आयोजक नेपाललाई गत भदौ २३ गते आइतवार आˆनो होम ग्राउण्डमा १-०ले पराजित गर्दै अफगानिस्तान फाइनलमा पुगेको थियो । अफगानिस्तानले खेल सुरु भएको दशौं मिनेटमा गोल गरि अग्रता कायम गरेको थियो । खेलको अन्तिम समयसम्म पनि नेपाली खेलाडिहरुले ठूलो मेहेनत गरेको थियो । नेपाली टिमलाई पेनाल्टीको पनि अवसर प्राप्त भएको थियो तर नेपाली टिममा स्टार रोहित चन्द्रले त्यसलाई गोलमा परिणत गर्न नसकेपछि विसौं हजारको उपस्थित रहेको रंगशाला र लाखौंले प्रत्यक्ष प्रशारणमा हेरेका दर्शक स्तब्ध भएका थिए । खेलको दशौं मिनेटमा गोलकिपर किरण चेम्जोङले छुटाएको सानो गल्तिले गोलमा परिणत भयो सोही गोलको कारण नेपालले फाइनल प्रवेशको साथै ऐतिहासिक नतिजा कायम राख्ने लक्ष्य विचैमा तुहियो । शारीरिक र मानसिक रुपमा शक्तिशाली अफगानिस्तान माथि नेपालले पटक पटक धावा बोलेको थियो तर त्यसलाई अफगानी गोलकिपर मनसुरले टोकेका थिए । नेपाली खेलाडिहरुले दर्शकको अपार समर्थनमा उत्साहित भई निकै आक्रामक खेल खेल्यो । विशेष गरी अफगानी खेलाडि सतजार महमद अहमदले गोल गरेपछि  नेपाली स्ट्राइकरहरुले गोल गर्न असमर्थ रह्यो । खेलको ८५ औं मिनेटमा पेनाल्टीको अवसर प्राप्त भयो सम्पूर्ण दर्शकहरु खुशीले नाच्दै "नेपाल नेपाल "भन्दै चिच्याएका थिए । यसभन्दा अगाडि कालो बजारी बन्द गर, एन्फा मुर्दावाद, गणेश थापा मुर्दावाद भनेर टिकट ब्ल्याकमा लिनु पर्ने, घण्टौं लाइन बस्दा पनि एकै छिनमा सक्यो भनेर टिकट काउन्टर उठाएको रवैयाले आक्रोशित दर्शकहरु यो पेनाल्टीले  खुशी भएको थियो तर त्यो पनि गोलमा परिणत नभएपछि रंगशालाबाट बाहिर निस्कन शुरु गरेका थिए । यस सेमिफाइनल खेल हेर्न लिगमा रु. ३०० तिरेकोलाई रु. ५०० पुर्‍याए पनि रु. ७०० को लागि रु.१००० पुर्‍याए पनि नेपाली समर्थक दर्शकहरु विहान ८ बजेदेखि टिकट वितरण गर्ने भएकोले विहानै लाइन बसेका थिए तर केही समयपछि नै टिकट सकिएको जानकारी गराएपछि दर्शकहरु निकै आक्रोशित भएका थिए । जस्ले गर्दा नाराबाजी समेत गरेका थिए । तर उक्त दर्शकहरुलाई त्रिपुरेश्वरमा प्रहरीले लाठीचार्ज गरेर रगताम्मे पारेका थिए । व्यवस्थित टिकट बिक्री गर्नुको सट्टा उल्टो लखेटिएको   थियो । यो छविलाई एन्फाले सुधार  गर्नु पर्दछ ।

वास्तवमा नेपाली खेलप्रेमी चाहे फुटवल होस क्रिकेट होस् भलिबल होस या वास्केटवल उतिकै माया गरेको देखिन्छ । स्तर खेल हुादा जस्मा नेपालले सहभागि हुादै निकै उत्साहित भई खेल स्थलमा जम्मा भएको देखिन्छ । तसर्थ राज्यले यी कुरालाई ध्यानमा राखी खेलकुद पूर्वाधारलाई विशेष ध्यान दिनुपर्ने देखिन्छ । दर्शकहरुको उत्साहलाई ध्यान दिंदै करिब ५० हजार क्षमताको उच्च स्तरको रंगशालाको जरुरी देखिसकेको छ जसबाट आर्थिक विकास पनि हुने भएकोले त्यसमा लगानी गर्न अथवा पञ्चवषिर्य योजना भई निर्माण सुरु गर्नु पर्ने देखिाएको, नेपालको खेलकुद पर्यटनको अवधारणालाई विकास गर्नु पर्ने देखिन्छ । नेपालको जुनसुकै स्थानमा १ दिन भित्र आउन जान सकिन्छ । तसर्थ यदि स्तरिय खेलकुद प्रतियोगिता भएमा नेपाली एवं विदेशी दर्शकहरु ब्यापक रुपमा उपस्थित हुन्छन् भन्ने   कुरा यी प्रतियोगिताहरुले प्रमाणित गरिसकेका छन । त्यसैले राज्यले यसमा विशेष ध्यान पुर्‍याउनु पर्ने देखिन्छ । साथै खेलखेल्दा हार जित हुन्छ तर बढीभन्दा प्रेशरमा खेल खेल्नु पर्दा आˆनो भएको सामथ्र्य पनि देखाउन असमर्थ रहेको देखिएको छ । कुनै पनि खेलकुदको निकायले दक्ष खेलाडि तयार गर्न निकै ठूलो लगानीको साथै पूर्व योजनाको जरुरी छ त्यसैको आधारमा विस्तारै खेलकुदले गति पनि लिएको छ । तर त्यसलाई बढी महत्वकांक्षी हेरेको खण्डमा यो नतिजा निस्कन्छ । एन्फाले घोषणा गरेको पुरस्कार निकै राम्रो छ तर उनीहरुले त्यो सफल प्राप्त गर्न के त्यसरी गरिएको छ ? जितेमा मात्रै पुरस्कारको वषर्ा हुने तर त्यो सफलता प्राप्तिको लागि आवश्यक तयार गराउन कोशिस पहिलो प्राथमिकता हो न कि ठूलो ठूलो प्रलोभन देखाई सोही कारणले आफनो प्रदर्शनमा असर पार्ने हो ।  यस कुरामा पनि ध्यान दिनु जरुरी देखिएको छ । साथै खेलाडिहरुले पनि उनीहरुको प्रदर्शनले देश, राष्ट्र र सम्पूर्ण नेपालीहरुको आस्था केन्दि्रत रहेको छ भनेर बुझनु जरुरी भएको छ ।

साफ च्याम्पियनसिप फुटवलमा नेपालको शानदार सुरुवात

अंक १०९ ने. सं. ११३३ गुंलागा चतुर्दर्शी बुधवाः २०७० भाद्र १९ गते बुधवार Sep -4 2013

साफ च्याम्पियनसिप फुटवलमा नेपालको शानदार सुरुवात
 
नवीन महर्जन

गत भाद्र १५ गते सनिवार देखि साफ च्याम्पियनसिप फुटवल प्रारम्भ भएको छ । उद्घाटन खेल दशरथ रंगशालामा आयोजक नेपाल र चिरपरिचित प्रतिद्वन्द्वी वंगलादेश विच भएको थियो । उक्त खेलमा नेपालका स्ट्राइकर अनिल गुरुङले १८ मिनेटमा र अर्को गोल खेलको ३१ औं मिनेटमा भरत खवासले गोल गर्दै नेपालले २–० जित हासिल गर्दै शानदार सुरुवात गरेका थिए । रक्षात्मक र आक्रामक दुवै रणनीति अपनाई अगाडी बढेको नेपाली टिमले निकै आकर्षक खेल देखाउँदै दर्शकहरूलाई आनन्दित तुल्याएको थियो साथै नेपाली दर्शकले पुरै ९० मिनेट नेपालको समर्थकमा ताली बजाई उत्साहित बनाईका थिए । यस उद्घाटन खेलमा नेपालका सम्पूर्ण खेलाडीहरूले जिम्मेवारी पूर्वक मेहनतका साथ आफ्नो कार्य गरेको देखिन्छ भने नेपाली दर्शकले पनि अपार माया र समर्थन गरेको देखिएको यो निरन्तरता रहेमा नेपाली टिमलाई कसैले रोक्न सक्दैन । नेपाली टिमले सुरुवातमै गोल गरी अग्रता कायम गरेकोले दवावमा खेल्नु पनि परेन । दोस्रो हाफमा पनि नेपाली टिमले निकै आक्रमक खेल खेलेको थियो तर थप गोल गर्न असमर्थ रह्यो । तसर्थ फिनिसिङ्गमा अझ सुधार गर्नु पर्ने देखिएको छ । वान भर्सेज वानको अवसर पटक पटक हुँदा पनि त्यो गोलमा परिणत गर्न नसक्नु यसबारे अवश्य सोच्नु पर्ने देखिएकोछ आगामी म्याचमा अवश्य सुधार गर्नुपर्ने देखिन्छ । नेपाली टिमको डिफेन्स लाइन र गोलकिपर किरण चेम्जोङले निकै आकर्षक बचाउ गरेका थिए । समग्रमा बङ्गलादेशले संधैं दवावमा राखीराखेको नेपाली टिम यस प्रतियोगिताको पहिलो खेलमै जित हासिल गर्नु निकै राम्रो सुरुवातको रुपमा लिनु पर्दछ । नेपालले दोस्रो खेल गत मंगलवार पाकिस्तान विरुद्ध खेलेको थियो ।

अन्तिम लिग नेपालले आगामी भाद्र २० गते विहिवार डिफेन्डिङ्ग च्याम्पियन भारत विरुद्ध खेल्ने छ । यस प्रतियोगिताको समूह क मा आयोजक राष्ट्र नेपाल लगायत भारत, वङ्गलादेश र पाकिस्तान को टिम रहेको छ भने समूह ख मा नवशक्तिशाली टिम अफगानिस्तान, माल्दिभ्स, श्रीलंका र भुटान रहेका छन् । नेपाली टिमले गल्फ राष्ट्रको भ्रमणमा राम्रो प्रदर्शन खेल खेल्दै उच्च मनोवल बनाई यो साफ च्याम्पियनसीपमा सहभागी बनाईएको थियो । नेपाली टिममा समावेश २० सदस्यीय खेलाडी यसप्रकार रहेका छन ।

गोककिपर :– किरण चेम्जोङ्ग, रितेश थापा, विशाल श्रेष्ठ
रक्षक : – सागर थापा, सन्दीप राई, रोहित चन्द, विराज महर्जन, रविन श्रेष्ठ, सविन्द्र श्रेष्ठ
मिडफिल्ड :– जगजित श्रेष्ठ, राजु लामा, भोला सिलवाल, विक्रम लामा, प्रकाश बुढाथोकी, टंक वस्नेत
फरवार्ड :– जुमानु राई, भरत खवास, सन्तोष साहुखलः, अनिल गुरुङ्ग, विमल घर्तिमगर
प्रशिक्षक :– ज्याक स्टेफनोस्की र रिचार्ड ओर्नोस्की

यस प्रतियोगिताको समूह क र ख बाट बिजेता र उपविजेता टिम सेमिफाइनलको लागि छनोट हुनेछ र पहिलो सेमिफाइनल आगामी २३ गते समूह को विजेता र समूह ख को उपविजेता विच त्यसैगरी दोस्रो सेमिफाइनल खेल आगामी भदौ २४ गते समूह ख को विजेता र समूह क को उपविजेता विच हुनेछ । फाइनल खेल भदौ २६ गते सेमिफाइनल खेलको विजेता विच खेल्ने छ । यस प्रतियोगितामा नेपाली टिमले यस्तै लगन, मेहनत र आपसी तालमेल विच खेल खेलेमा जित्ने सक्ने सम्भावना निकै छ साथै नेपाली टिमले उच्च मनोबल का साथ खेल खेली यो उपाधी हात पार्न सकोस भनेर कामना पनि गर्न चाहन्छौं ।

प्रतियोगिताको फाइनल आउँदो शनिवार

अंक ९४ ने. सं. ११३३ बछलाथ्व द्वादशी बुधवाः २०७० जेठ ८ गते बुधवार May 22, 2013

प्रतियोगिताको फाइनल आउँदो शनिवार

गत बैशाख २८ गते शनिवारदखि जनसेवा उच्च मा. वि.को खेल मैदानमा नव क्षितिज युवा क्लब पाँगाको अयोजनामा सञ्चालन भएको दक्षिण भेगीय अन्तरविद्यादय नकआउट फुटवल प्रतियोगिता–२०७०मा करीव ३ दर्जन टिमको सहभागिता रहेको थियो । उक्त सहभागी टिमलाई दुई समूहमा विभाजन गरिएको थियो । यस प्रतियोगितामा उत्कृष्ट प्रदर्शन गर्दै पुष्पसदन र कीर्ति मा.वि सेमिफाइनल खेल आज हुने भएको छ भने अर्को सेमिफाइनल खेल राराहिल र आदिनाथ मा.वि. र बाघ भैरव मा.वि. (गोदाम) विचको सेमिफाइनल हुने भएको छ भने फाइनल खेल शनिवार हुने कार्यक्रम रहेको छ ।

प्रतियोगिताको उद्घाटन खेल आदिनाथ र अनर स्कुल विच भएको थियो । उक्त खेलमा आदिनाथ ४–० गोल अन्तरले विजयी भएको थियो । त्यसैगरी दोस्रो दिनको खेलमा शुभकामनाले क्रिएटिभ एकेडेमी लाई २–८, दोस्रो खेलमा बाघभैरवले वैष्णवीलाई ट्राइब्रेकरमा ४–१ ले विजय हासिल गरेको थियो । त्यसैगरी गत ३० गते सम्पन्न खेलमा राराहिलले साल्भानियालाई ३–१ गोल अन्तरले त्यसैगरी सोही दिन सम्पन्न दोस्रो खेलमा ग्रीन भिलेज ए. फाउण्डेसनले जनसेवालाई २–० गोलले पराजित गरेको थियो । गत बैशाख ३१ गते सम्पन्न खेलमा बाघ भैरवले कीर्तिपुर इङ्गलिस स्कुललाई टाईब्रेकरमा ६–५ गोलले र पुष्पसदनले पाँगा मा.वि.लाई ३–० गोलले हराएको थियो । गत जेठ १ गते सम्पन्न खेलमा लेबोरेटरीले ग्रीन भिलेजलाई २–१ गोलले पराजित गरेको थियो भने दोस्रो खेलमा बाघ भैरव मा.वि.ले जनसेवा क लाई १–० ले पराजित गरेको थियो । त्यसैगरी २ गतेको खेलमा कीर्ति र राराहिल विजय भएको थियो । यस खेलमा कीर्तिले शुभकामनालाई २–० गोलले र राराहिल स्कूलले हिमालयन एकेडेमीलाई ५–१ गोलले पराजित गरेको थियो । यस प्रतियोगिताको क्वाटरफाइनल गत शनिवार आदिनाथ मा.वि. र बाघभैरव मा.वि.(गोदाम) विच भएको थियो । त्यसैगरी दोस्रो क्वाटर फाइनल खेल बाघभैरव बोर्डिङ्ग र कीर्ति विच भएको थियो । त्यसैगरी अर्को क्वाटर फाइनल खेल गत आइतवार राराहिल र लेबोरेटरी विच तथा पुष्पसदन र ग्रीन भिलेज ए.फा. विच भएको थियो जस्मा राराहिलले लेबोरेटरीलाई १–० गोलले र पुष्पसदनले ग्रीन भिलेजलाई २–० गोलले पराजित गरेको थियो ।

गोर्खा कप फुटवल प्रतियोगिता–२०७० विहिवारदेखि

अंक ९४ ने. सं. ११३३ बछलाथ्व द्वादशी बुधवाः २०७० जेठ ८ गते बुधवार May 22, 2013

गोर्खा कप फुटवल प्रतियोगिता–२०७० विहिवारदेखि 

अखिल नेपाल फुटवल संघको आयोजनामा हुने गोर्खा कप फुटवल–२०७० भोलि विहिवारदेखि सञ्चालन हुने भएको छ । यो प्रतियोगिता भोलि जेठ ९ गतेदेखि २९ गतेसम्म सञ्चालन हुने कार्यक्रम रहेको छ । कूल १६ टिमले सहभागिता जनाइएको यस प्रतियोगितामा सहभागी टिमलाई चार समूहमा विभाजन गरीएको छ । जस अन्तर्गत समूह ‘क’मा पुलिस क्लब, मच्छिन्द्र, सरस्वति र झापाको मुनाल क्लब, समूह ‘ख’मा थ्रीस्टार क्लब, एपीएफ, आरसीटी र देशभक्त युवा क्लब, समूह ‘ग’मा मनाङ मस्र्याङदी, आर्मी, संकटा र टुसाल युवा क्लब र समूह ‘घ’मा हिमालयन शेर्पा, जावलाखेल, फ्रेन्डसक्लब र ब्वाइज युनियन क्लब रहेका छन । प्रत्येक समूहको विजेता र उपविजेता टिम क्वार्टर फाइनलमा प्रवेश हुने व्यवस्था गरेको छ । यस प्रतियोगिताको भोलिको उद्घाटन खेल नेपाल पुलिस क्लब र मुनाल क्लब झापा विच हुने कार्यक्रम रहेको छ । यो प्रतियोगिता दशरथ रंगशालामा सञ्चालन हुने भएको छ । स्मरणरहोस् यस अघि ब्रिटिस गोर्खा कप नामबाट सञ्चालित यो प्रतियोगिता यो संस्करणदेखि गोर्खाकप भएको हो ।

कीर्तिपुर क्रसकन्ट्री - २०७० सम्पन्न

अंक ९३ ने. सं. ११३३ बछलाथ्वा पञ्चमी बुधवाः २०७० जेठ १ गते बुधवार May 15, 2013
 
कीर्तिपुर क्रसकन्ट्री - २०७० सम्पन्न

नवीन महर्जन    

कीर्तिपुर खेलकुद विकास समाजद्वारा नववर्षको उपलक्ष्यमा वर्षेनी आयोजना गर्दै आएको कीर्तिपुर क्रसकन्ट्री–२०७० गत बैशाख २८ गते शनिवार सम्पन्न भएको छ । 

पाँगा दोबाटोबाट शुभारम्भ भई कीर्तिपुरको नवनिर्माण मुल गेट (ढोका) सम्म करीव ५.कि.मि.को उक्त सडक दौड प्रतियोगिताको खुल्ला पुरुष तर्फ कीर्तिपुरको धर्म महर्जनले १३. १९ सेकेण्ड १९ दशमलवमा   पुरा गरी प्रथम भएको छ भने दामोदर बुढा मगरले १३ मि. ३४ सेकेन्डमा पुरा री द्वितिय तथा सोनाम लामाले १४ मि ०२ सेकेन्डमा पूरा गरी तृतिय भएका थिए । 

त्यसैगरी खुल्ला महिला तर्फ शर्मिला क्षेत्री प्रथम भगवती कुमारी शाही दोस्रो तथा नारायणी देवी सिंह तेस्रो भएकी थिइन् ।  स्मरणरहोस खुल्ला तर्फ यो प्रतियोगिता नवौं संस्करण   थियो । त्यसैगरी छैटौं संस्करणको विद्यालय स्तरीय छात्र तर्फको प्रतियोगितामा मंगल उच्च मा.वि.का नवराज बुढा प्रथम, साल्भेनिया एकेडेमीका सागर कार्की द्वितिय तथा मंगल उच्च मा.व.का नै संजिव मगर तृतिय भएका थिए । त्यस्तै गरी छात्रा तर्फ सितापाइला उच्च मा.वि.का हुमी बुढामगर प्रथम, पुष्पसदन आ.मा.वि.का रेशुका मानन्धर द्वितिय तथा बासु उच्च मा. वि. भक्तपुरकी शर्मिला सुवाल तृतिय भएकी थिइन ।

 यस विद्यालयस्तरीय प्रतियोगितामा मंगल उच्च मा.वि., पुष्पसदन आ.मा.वि., हिलटाउन उच्च मा.वि, उज्ज्वल शिशु निकेतन एकेडेमी, साल्भेनिया एकेडेमी, अनर इन्टरनेशनल, बासु, उच्च मा.वि, गोल्डेन रेज एकेडेमी, सीतापाइला उच्च मा.वि., राराहिल मेमोरियल स्कुल, श्री पद्म उच्च मा.वि., जनसेवा उच्च मा.वि. ग्रीन भिलेज फाउण्डेसन एजुकेशन लगायत गरी १०० जना भन्दा बढी विद्यार्थीहरूको सहभागिता थियो । यस प्रतियोगिताको भेट्रान तर्फ मंगलदास तण्डुकारलाई पुरस्कृत गरेको थियो । सम्पूर्ण इभेन्ट्समा दशौं स्थानसम्म सहभागीलाई टिसर्ट र प्रमाण पत्र वितरण गरिएको थियो भने प्रथम, द्वितिय र तृतिय हुने खेलाडीहरूलाई कृष्ण क्याटरिङ्गमा सम्पन्न पुरस्कार वितरण कार्यक्रममा प्रमुख अतिथि प्रा.डा. रामकृष्ण महर्जन, अतिथीहरू प्रा.डा. शिवशरण महर्जन, कालिन्चोक भगवति गणका प्रमुख भरत श्रेष्ठ लगायतले ट्रफी, मेडल, टिसर्ट, प्रमाण पत्र एवं नगद पुरस्कार वितरण गरिएको थियो । 

साथै यस पुरस्कार वितरण कार्यक्रममा यस समाजका अध्यक्ष एवं कार्यक्रमको सभापति प्रदिप महर्जनले कीर्तिपुरको प्रतिनिधित्व गरी आगामी मे २९ तारिख अर्थात् जेठ १५ गते हुने सगरमाथा हिरक जयन्ति म्याराथन –६० कि.मि. तर्फ सहभागी हुने धर्म महर्जनलाई संकलित रकम प्रदान गरिएको थियो ।  हिमालय एक्सपिडिसन सन्स कम्पनीद्वारा नेपालको साहसिक खेलकुद पर्यटन प्रवद्र्धन गर्दै लैजाने उद्देश्यले सन् १९५३ मे २९ को दिनको सुखद सम्झनामा मे २९ मा सगरमाथा दिवशको दिन तेन्जिङ–हिलारी सगरमाथा म्याराथन(४२.१९५ कि.मि) र यस वर्ष सगरमाथा आरोहणको ६०औं जयन्तीको अवसरमा सगरमाथा हिरक जयन्ती म्याराथन जस्को दुरी हो ६० कि.मि. यस्मा कीर्तिपुरका धर्म महर्जनले सहभागिता जनाउने भएको     हो । जसको लागि करीव ८०,०००/- को बजेट आवश्यक थियो तसर्थ कीर्तिपुर खेलकुद विकास समाजले उहाँलार्य आर्थिक सहयोगको आव्हान गर्दै यस क्षेत्रका विभिन्न संघ संस्थाहरूलाई पत्राचार    गरेको थियो जस अनुसार अहिलेसम्म कोर्नेल नेपालको तर्फबाट रु.६०००/– नयाँ बजार क्लबको तर्फबाट रु.५,०००/- तथा दक्षिण भेगीय नीजि तथा आवासीय विद्यालय संगठन कीर्तिपुरबाट रु. ४,०००/- नगद प्राप्त भएको थियो जुन उक्त दिन हस्तान्तरण गरेको थियो साथै अन्य विभिन्न संघ संस्थाले पनि सहयोग गर्नु हुनेछ भनेर हामी आशावादी छौं । साथै उहाँले उक्त प्रतियोगितामा सफलता हासिल गर्न सकोस् भनी हामी कीर्तिपुर वासीको तर्फबाट शुभकामना पनि दिन चाहन्छु ।

आईसीसी वल्र्ड क्रिकेट लिग डिभिजन–३ मा नेपालको हार

आईसीसी वल्र्ड क्रिकेट लिग डिभिजन–३ मा नेपालको हार

नवीन महर्जन

नेपाल लगायत आयोजक वर्मुडा, युगान्डा, ओमान, अमेरिका र इटाली गरी ६ राष्ट्र सम्मिलित आईसीसी वल्र्ड क्रिकेट लिग डिभिजन–३ को प्रतिस्पर्धा गत आइतवारदेखि सुरु भएको छ । यो प्रतियोगिता ८ दिनसम्म चल्नेछ । यस डिभिजन–३को फाइनल पुग्ने टिम सन् २०१४ मा न्यूजिल्याण्डमा अन्तर्राष्ट्रिय क्रिकेट काउन्सिलका एसोसियट र एफिलिटेड १० राष्ट्र सम्मिलित वान डे वल्र्डकप छनोटमा खेल्ने अवसर पाउँछ । यदि यस छनोट खेलमा शिर्ष २ स्थान ओगट्न सफल भएको टिम अष्ट्रेलिया र न्यूजिल्याण्ड द्वारा संयुक्त आयोजन गर्ने सन् २०१५ को विश्वकप क्रिकेटमा खेल्न पाउने छ । साथै डिभिजन –३ को फाइनलमा पुग्न सफल २ टिम डिभिजन –२मा उक्लिने छ भने सन् २०१४ मा न्यूजिल्याण्डमा हुने विश्वकप छनौटमा शिर्ष चार मा रहन सके वा–डे मान्यता प्राप्त टिम हुनेछ । तसर्थ यो प्रतियोगिता निकै महत्वपूर्ण प्रतियोगिता हो । अझ नेपालको लागि क्रिकेट खेलमा फड्को मारी विश्वकप तिर उक्लिने सुवर्ण अवसर हो ।

पूर्वी अमेरिकाको नयाँ क्रिकेट माहौल रहेको यस डिभिजन –३ मा नेपाल खेल्न लागेको यो पहिलो हो । नेपाल वाहेक आयोजक बर्मुडा, ओमन, युगान्डा, इटाली र अमेरिका यस अघि डिभिजन–३ खेलिसकेका टिम हो ।

अहिलेको नेपाली टिमको प्रदर्शन, खेलाडिको इतिहास हेर्ने हो भने यस प्रतियोगितामा उत्कृष्ट खेल खेल्न सक्छ भनेर विश्वास गर्न सकिन्छ र उच्चस्तर खेल देखाउनु पनि पर्ने छ ।

नेपालले सन् २००८ मा डिभिजन ५मा तेस्रो हुँदै माथि उक्लिन असमर्थ रह्यो । तर सन् २०१० मा नै नेपाल डिभिजन –५ च्याम्पियन भएर डिभिजन–४ मा उक्लिन सफल भयो । तर सन् २०१० मा नै सम्पन्न डिभिजन–४ फेरी एकपल्ट तेस्रो भएकोले अघि बढ्न सकेन तर सन् २०१२ मा नेपाल डिभिजन– ४ को च्याम्पियन हुँदै डिभिजन –३ मा उक्लिएको थियो ।

यस प्रतियोगितामा सम्मिलित नेपाली क्रिकेट टोलिको कप्तानमा पारस खडका, उपकप्तान ज्ञानेन्द्र मल्ल, अन्य खेलाडिहरूमा शरद भेषवाकर, अनिल मण्डल, सुभाष खकुरेल, प्रदीप ऐरी, अमृत भट्टराई, चन्द्र साउद, पृथु वास्कोटा, सन्जम रेग्मी, बसन्त रेग्मी, शक्ति गौचन, विनोद भण्डारी र राहुल विक रहेका छन ।

गत आइतवार पहिलो खेल नेपालले परिचित प्रतिद्वन्द्वी अमेरिकासँग खेलेको थियो । जसमा अमेरिकाले पहिले ब्याटिंग गर्दै ६ विकेटको नोक्सानीमा ३६६ रन बनायो । ३६७ रनको लक्ष्यका साथ मैदानमा उत्रेको नेपालले ४९.५ ओवरमा सबै खेलाडि गुमाएर २७२ रन बनायो र नेपाल ९४ रनले पराजित भएको थियो ।

त्यसैगरी नेपालको दोस्रो खेल गत सोमवार युगान्डासँग भएको थियो । नेपालले पहिले ब्याटिंग गरेर ४४.२ ओभरमा सबै विकेट गुमाएर ११६ रन मात्र बनाउन सफल भयो । जसको जवाफमा ब्याटिंग गर्न आएको युगान्डाले २७ ओवरमा ४ विकेट गुमाएर लक्ष्य प्राप्त ग¥यो । 

नेपालको तेस्रो खेल आज आयोजक वर्मुडासँग हुनेछ भने चौथो खेल भोलि विहिवार ओमन विरुद्ध र अन्तिम लिग आउँदो शनिवार २१ गते इटाली विच हुने कार्यक्रम रहेको छ ।

नेपालका लागि श्रीलंकाली प्रशिक्षक पुतुदु दासानाइकेले नेपाली टिम सम्हालेपछि नेपालले पछिल्लो ७ महिनामा डिभिजन –४ जित्नुका साथै एसीसी इलिट रुपमा आयोजक युएईसँग संयुक्त विजेता बन्नु, गत महिना घरेलु महिनामा सम्पन्न एसीसी २०÷२० कपको फाइनलमा पुग्नुलाई सकारात्मक रुपमा लिनु पर्दछ । यसैलाई मध्यनजर गरी नेपालको प्रदर्शनमा अबश्य राम्रो हुन्छ भनेर अनुमान गर्न सकिन्छ । यसैलाई मध्य नजर गरी नेपालले गत १ हप्ता अगाडि जयपुरमा जुन अभ्यास म्याच खेले यसैले पक्कै पनि यो डिभिजन –३ को लागि महत्वपूर्ण सावित हुनेछ ।

वास्केटवल प्रतियोगिताप्रति युवाहरूको आकर्षण

अंक ८२ ने.सं. ११३३ सिल्लागा दुतिया बुधवाः २०६९ फागुन १६ गते बुधवार Feb 27, 2013
 
वास्केटवल प्रतियोगिताप्रति युवाहरूको आकर्षण

नवीन महर्जन

नयाँबजार क्लब कीर्तिपुरको आयोजनामा कीर्तिपुर सामुदायिक वास्केटवल कोर्टमा सञ्लन भैरहेको प्रथम कीर्तिपुर कप वास्केटवल प्रतियोगिता अन्तर्गत गत फागुण १२ गते शनीवार पहिलो खेल गोल्डेनगेट र नेपाल आर्मी क्लब बिच भएको थियो । उक्त खेलमा गोल्डेनगेट टिमले नेपाल आर्मी क्लबलाई ६९–५८ स्कोरले पराजित गरी आफ्नो अपराजीत यात्रा कायम गरेको छ । गोल्डेन गेटले पहिलो क्वाटरमा २६–१३, दोस्रो क्वाटरमा १७–१४ र तेस्रो क्वाटरमा १२–११ स्कोरले अग्रता लिएको थियो अन्तिम क्वाटरमा १४–२०  स्कोरमा समाप्त भएको थियो । गोल्डेन गेटको लागि सुशिल लुमङले १६ अंक जोडेको थियो ।

त्यसैगरी दोस्रो खेल अर्को सशक्त टिम गुरुकुलले आयोजक नयाँबजार क्लबलाई ९४–६८ स्कोरले पराजीत गरेको छ । गुरुकुलको लागि सदिश प्रधानले २७ स्कोर गरेका थिए । गुरुकुलले पहिलो क्वाटरमा २१–१०, दोस्रो क्वाटरमा २८–२१, तेस्रो क्वाटरमा २२–२१ र चौथो क्वाटरमा २३–१६ को प्रदर्शन गरी आफ्नो अपराजित याना कायम गरेको थियो । यसरी यो डबल लिग राउण्ड रोविन प्रतियोगिताको अहिलेसम्मको खेलमा गोल्डेन गेट र गुरुकुलले आफ्नो ३÷३ लीग खेलमा लगातार जीत हासिल गर्दै अग्रस्थानमा रहेको छ । ह्वाईट हाउसले नासालाई ६९–५३ले हराउँदै जीतको खाता खोलेको छ ।

नेपालमा पहिलोपल्ट डबल लिग राउण्ड रोविनको आधारमा सञ्चालन भैरहेको यो प्रतियोगिता शुक्रवार र शनिवार सञ्चालन गर्ने गरी खेल तालिका समेत सार्वजनिक गरीसकेको थियो । तर उपत्यकामा स्कुल स्तरीय, क्लबस्तरीय एवं कलेज स्तरीय विभिन्न प्रतियोगिता नियमित रुपमा भैरहने भएकोले अफिसियलहरूको कार्य व्यस्ताताले गर्दा शुक्रवारको खेलहरू नखेलाई शनिवार नै मिलाएर खेलाइएको छ । वास्केटवल यूवाहरू माझ निकै लोकप्रिय खेल बन्दै गएको छ तसर्थ यसको प्रतियोगिता पनि निकै हुन गइरहेका छन ।

हिम्स स्कुलको आयोजनामा भैरहेको छैठौं हिम्स स्कुल अन्तर विद्यालय वास्केटवल पनि गत शनिवार सम्पन्न भएको छ । फाइनल खेल आयोजक हिम्स स्कुल र माउन्ट ग्लोरी विच भएको थियो । उक्त खेलमा हिम्सले ४६–३५ स्कोरले जित हासिल गरी उपाधिमाथिथ लगातार ३ पटक कब्जा जमाउन सफल भएको छ । विजेता टिमका लागि हिम्सका तेन्जिन रिन्जिनले १६ अंक जोडेको थियो । जस्का कारण तेन्जिन ‘मोस्ट भ्यालुयबल प्लेयर’घोषित भए । विजेता र उपविजेता टिमलाई प्रमुख अतिथी प्रहरी महानिरिक्षक कुबेर सिंह रानाले एक समारोहका विच ट्रफी, मेडल तथा प्रमाणपत्र वितरण गरिएको थियो । उक्त प्रतियोगितामा १० टिमको सहभागिता थियो ।

त्यसैगरी ड्याफोडिल स्कुलको आयोजनामा अर्को वास्केटवल प्रतियोगिता सम्पन्न भैरहेको छ । उक्त प्रतियोगिताको फाइनल खेल आयोजक ड्याफोडिल स्कुल र निम्स विच सम्पन्न भएको छ । सेमिफाइनल खेलमा निम्सले गोल्डेन पिकलाई ५५–४९ अंकले हराएको थियो भने अर्को सेमिफाइनल खेलमा ड्याफोडिलले जेभियर इन्टरनेशनललाई ४५–३० अंकले हराएको थियो । त्यसै गरी यस प्रतियोगिताको छात्र तर्फ भ्याली पब्लिक र आयोजक ड्याफोडिल विच फाइनल सम्पन्न भएको थियो ।

त्यसै गरी वास्केटवल खेलकै अर्को प्रतियोगिता टेन्डा एआईए प्रतियोगिता २०६९ सम्पन्न भएको छ । जस्को फाईनल खेल एआईए र भ्याली पब्लिक स्कुल विच भइ सम्पन्न भएको थियो ।

यसरी वास्केटवल प्रतियोगिता उपत्यका र उपत्यका बाहिर समेत निकै लोकप्रिय भैरहेको छ । गत महिना बङ्गलादेशमा सम्पन्न दक्षिण एशियाली वास्केटवल प्रतियोगितामा तेस्रो स्थान हासिल गरेको गत साता खेलाडि र प्रशिक्षकहरूलाई नगर पुरस्कार दिई सम्मान गरिएको थियो । नेपालले विस्तारै राष्ट्रिय र अन्तर्राष्ट्रिय स्तरमा यस खेलले राम्रो नतिजा ल्याउन सफल हुँदै गएको छ । झन हाम्रो कीर्तिपुरको नयाँबजार क्लबले जस्तै यस बास्केटवल खेलको लिग र डबललिग प्रणालीको खेललाई अझ निरन्तरता दिन सकेमा केही वर्षमा नै यस खेलले ठूलो प्रगति गर्नेमा शंका नै छैन ।

उज्ज्वलमा पुरस्कार वितरण तथा सांस्कृतिक कार्यक्रम

अंक ८० ने. सं. ११३३ सिल्लाथ्व तृतिया बुधवाः २०६९ फागुन २ गते बुधवार Feb 13, 2013

उज्ज्वलमा पुरस्कार वितरण तथा सांस्कृतिक कार्यक्रम

पाँगाको शहिदपथस्थित उज्ज्वल शिशु निकेतन एकेडेमीले गत माघ २९ गते सोमवार पुरस्कार तथा वितरण तथा सांस्कृतिक कार्यक्रमको आयोजना गरिएको थियो । विद्यालय व्यवस्थापन समितिका अध्यक्ष प्रा.डा.शिव शरण महर्जनको सभापतित्वमा भएको उक्त कार्यक्रमको प्रमुख अतिथि पाठ्क्रम विकास केन्द्र सानोठिमीका उपनिर्देशक डा. बालकृष्ण रंजितले पानसमा दीप प्रज्वलन गरी उद्घाटन गर्नु भएको थियो । विशेष अतिथी प्राज्ञ रामकृष्ण दुवाल, अन्य अतिथीहरूमा प्रा.डा. रामकृष्ण महर्जन, प्रा.डा.धर्मराज डंगोल, सह प्रा.शान्तवहादुर श्रेष्ठ रहनु भएको थियो ।

विद्यालयका प्रिन्सिपल दिलमान महर्जनले स्वागत मन्तव्यको साथै विद्यालयले वर्षभरिमा गरिएको विविध गतिविधि र प्रगति विवरण दिनु भएको थियो ।

विद्यालयले २५ वर्ष पुरा   गरी २६ औं वर्षमा प्रवेश गरेको छ । यस अवधिमा विद्यालयले ठूला कक्षा कोठाहरू निर्माण, पुस्तकाल, ल्याव, कम्प्युटर ल्यावको अलावा कक्षा ६ देखि कक्षा १० सम्मका कक्षाहरू लगायत लाइब्रेरी ल्याब तथा कम्प्युटर ल्यावहरूमा ऋऋत्ख् ऋबmभचब जडान गरेको छ ।  विद्यालयको ग्राउन्डमा पनि ३ वटा ऋऋत्ख् जडान गरिएको छ । जसले गर्दा कोठामै बसी सबै गतिविधिको जानकारी लिन सकिन्छ ।

यसै वर्षभित्र एचयवभअतयच र त्ख् सहितको विशेष किसिमको ब्गमष्य(ख्ष्कगब ितथा भ्(ीष्दबचबचथ को स्थापना गर्ने लक्ष्य रहेको जानकारी दिनुभयो । विद्यालयमा होस्टेलको क्षमताको विकास गर्ने, अहिले एबिथ न्चयगउ र ल्भचकबचथ लाई मात्र   स्कुलद्वारा टिफिन दिइने व्यवस्था भएकोमा आगामी वर्ष ीप्न् र ग्प्न् सम्मलाई खाजा व्यवस्था गर्ने लक्ष रहेको  जानकारी दिनु भयो ।

यस विद्यालयबाट आफ्ना विद्यार्थीहरूको अहिलेसम्म १५ समूहलाई एसएलसी परीक्षामा सहभागी गराइसेकोमा २०५४, २०५७,२०६१,२०६३, २०६४, २०६७ र २०६८ मा गरी ७ पटक दक्षिणभेगीय र दक्षिण पश्चिम भेगीय टपर हुन सफल भएको छ । एसएलसी २०६८ मा ६१ जना विद्यार्थीले परीक्षा दिएकोमा ४३ जना विशिष्ट श्रेणी र १८ जना प्रथम श्रेणीमा उतीर्ण भएका थिए ।

शुभकामना मन्तव्य दिने क्रममा प्रा.डा.रामकृष्ण महर्जनले –‘सक्रिय जीवनको अर्थ नबुझ्ने मानिसहरूले अतिरिक्त कृयाकलापलाई निरर्थक समय खेरफाल्ने रुपमा लिने गरेका  छन । खेलकूद, कला, संस्कृति, संगित नृत्य लगायत प्रविधि बिना आजको संसार अधुरो छ । जो व्यक्तिले यसलाई बुझ्दैन उसको जीवन अधुरो हुन्छ ।’भन्नुभयो । त्यस्तै नृत्य तथा संगित प्रज्ञा प्रतिष्ठानका प्राज्ञ रामकृष्ण दुवालले असल मान्छे बन्न विद्यार्थीहरूलाई सल्लाह  दिनुभयो ।

प्रमुख अतिथि डा. बालकृष्ण रंजितले विद्यार्थीहरू लाई जीवनमा सफलता पाउनको लागि मेहेनती, लगनशीलता र धैर्यवान हुन सल्लाह दिनुभयो ।

सभापतिको आशनबाट प्रा.डा. शिवशरण महर्जनले विद्यालयमा बालमैत्री वातावरणमा पठन पाठन भैरहेको जानकारी दिनु हुँदै भविष्यमा पनि यो कायम रहने जानकारी दिनुभयो । अन्तमा उपस्थित अतिथीहरू, शिक्षक÷शिक्षिका  अभिभावक र विद्यार्थीहरूलाई धन्यवाद दिनुभयो ।

उक्त कार्यक्रममा विभिन्न खेलकुद प्रतियोगिता, हाजिर जवाफ प्रतियोगिता लगायत विविध कार्यक्रमहरूमा विजयी सहभागीहरूलाई प्रमुख अतिथी तथा अतिथीहरूले शिल्ड, मेडल प्रदान गरिएका थिए ।

कक्षा नर्सरीदेखि कक्षा ९ सम्मका विद्यार्थीहरूले विविध सांस्कृतिक कार्यक्रम प्रस्तुत गरिएको थियो ।करीव ४ घण्टासम्म चलेको उक्त कार्यक्रममा अभिभावकहरूको व्यापक उपस्थिति रहेको थियो ।

एएफसी च्यालेन्ज कपको निम्ति कडा तयारी जरुरी

अंक ८० ने. सं. ११३३ सिल्लाथ्व तृतिया बुधवाः २०६९ फागुन २ गते बुधवार Feb 13, 2013

एएफसी च्यालेन्ज कपको निम्ति कडा तयारी जरुरी

नवीन महर्जन

यही आउँदो फागुण १९ देखि २३ गतेसम्म दशरथ रङ्गशालाको फुटवल मैदानमा एएफसी च्यालेन्ज कप हुँदैछ । जसको तयारी स्वरुप गत माघमा पाकिस्तानसँग दुईओटा मैत्रीपूर्ण खेल भएको थियो । तर दुवै खेलमा नेपाल ०–१ गोलले पराजित भयो । फिफा वरीयता क्रममा पाकिस्तान नेपालभन्दा १९ स्थान तल रहेको छ । तर वास्तविक खेलमा पाकिस्तान नेपालभन्दा अगाडि रहेको पुष्टि ग¥यो । एक समयमा सार्क राष्ट्र मा नेपाल अब्बल रहेको थियो । नेपालको चुनौती बनेको केवल भारत मात्र थियो हुँदा हुँदा माल्दीभ्स बङ्गलादेश हुँदै अहिले पाकिस्तानले समेत वाजी मारी सकेकोछ ।

पाकिस्तासँगको मैत्रीपूर्ण खेललाई एएफसी च्यालेन्जको तयारीको रुपमा लिएको छ तसर्थ यो नै सम्पूर्ण होइन तर पनि कुनै पनि टिमसँग खेलिने खेललाई आधार मानेर उनीहरूको तयारीको स्तर मापन गरिन्छ जस्ले गर्दा एएफसी च्यालेन्ज कपको निमित्त नेपालले कडा तयारी गर्नु पर्ने देखिन्छ । सहिद स्मारक रेडबुल ए डिभिजन लिगको पहिलो चरणको खेल समाप्तिसँगै नेपालका लागि विदेशी प्रशिक्षक ज्याक स्टेफानोस्कीले नेपाली खेलाडीहरूलाई प्रशिक्षण दिंदै आएको छ । नेपाली टिमले पहिलो मैत्रीपूर्ण खेलभन्दा गत माघ २७ गते सम्पन्न खेलमा केही सुभारात्मक खेल खेलेको भएता पनि अन्तर्राष्ट्रिय प्रस्पर्धामा सदैव गोलको खडेरी देखिने परम्परालाई नेपाल  राष्ट्रिय टिमले उक्त खेलमा पनि निरन्तरता दियो । पाकिस्तानका लागि खेलको ६५ औं मिनेटमा मुहमद मुजाहिदले गोल गरे जुन गोल निर्णायक सावित भयो ।

खेलको मुल्याङ्कन गर्दा नेपालको मध्यपंक्ति र अग्रपंक्ति विचको तालमेलमा निकै कमजोर रहेको देखिन्छ । उक्त खेल अवधि भर नेपालले दुई ओटा पोल एटम गरेका थिए जस्ले गोलमा परिणत गर्न सकेन । नेपाली टिममा राष्ट्रिय लिग पछिको थकान महसुस गर्न सकिन्छ । शहिद स्मारक ए डिभीजन लीगको पहिलो चरण पश्चात क्याम्प बसेको टिमले फिट्नेस, टेक्निक र ट्याक्टिस यी तीनै ओटा चीजको खाँचो रहेको देखिन्छ । तसर्थ एएफसी च्यालेन्ज कप छनौटको लागि नेपाली टिमले कडा मिहिनेत गर्नु पर्ने देखिएको छ ।

नेपाली खेलप्रेमीहरूले कप्तान सागर थापाको अन्तर्राष्ट्रिय ५० औं खेल भएकोले यो खेल अवश्य सुखद हुने अपेक्षा गरेको थियो तर त्यो हुन सकेन ।

कमजोर फरवार्डको   कारण यो  खेल गुमेको गुनासो सागरको थियो । तसर्थ विशेष गरी प्लेमेकर र फरवार्डको समन्वयमा नै खेलको नतिजा निस्कने हो जस्ले गर्दा बाँकी रहेको समयमा यसमा सुधार गर्नु पर्ने अभिव्यक्ति दिएका थिए ।

पाकिस्तान टिमका प्रशिक्षक जामिसा मिल्ड जोभिकले आफ्ना खेलाडिले गरेको प्रदर्शनमा सन्तुष्ट भएको बताएका थिए । पाकिस्तानी टिमले पहिलो खेलमा भन्दा दोस्रो खेलमा सुधार गरिएको र नेपाली राष्ट्रिय टिमलाई पराजित  गरेकोमा खुशी व्यक्त गरेका   थिए । नेपाली टिमको सन्दर्भमा सिनियर खेलाडिले भन्दा जुनियर खेलाडिले राम्रो प्रदर्शन गरेको प्रतिक्रिया दिएका थिए । हामी समस्त खेलप्रेमी नेपालीहरूको आशा के रहेको छ भने अवश्य पनि नेपाली टिमको कमजोरीलाई औल्याई सो कमजोरीर्ला एएफसी च्यालेन्ज छनोट प्रतियोगिता सम्ममा प्रशिक्षक ज्यालके समाधान अवश्य गरिन्छ । सोहि आधारमा खेलाडि छनौट गर्नि   सकिन्छ । यस्तै अझ एक दुई ओटा अन्तरर्राष्ट्रिय मैत्रीपूर्ण खेल खेलाउन सकिए अझ राम्रो हुने अपेक्षा गर्न सकिन्छ ।

नयाँबजार क्लबको आयोजनामा आउँदो फागुण ५ गतेदेखि हुन लागेको कीर्तिपुर कप बास्केटवल प्रतियोगिताको टाई सिट

please the magazine 

प्रथम कीर्तिपुर कप वास्केटवल प्रतियोगिता हुने

अंक ७९ ने.सं. ११३३ पोहेलागा एकादशी बुधवाः २०६९ माघ २४ गते बुधवार Feb 6, 2013

प्रथम कीर्तिपुर कप वास्केटवल प्रतियोगिता हुने

नवीन महर्जन

नयाँबजार क्लब कीर्तिपुरको आयोजनामा यही आउँदो माघ २९ गते सोमवारदेखि कीर्तिपुर सामुदायिक वास्केटवल कोर्टमा प्रथम कीर्तिपुर कप वास्केटवल प्रतियोगिता २०६९ हुने भएको छ ।

वास्तवमा नेपालको वास्केटवल खेल विकास गर्न यस क्लबले ठूलो योगदान गरेको थियो । स्कुलस्तरीय प्रतियोगिता देखि शुरु गरेर विभिन्न क्लब स्तरीय खुल्ला एवं राष्ट्रिय प्रतियोगिताको शुरुवाट समेत यस क्लबले विगतमा गरिसकेका छन् । यो प्रतियोगिता डबल लिग प्रणालीमा हुने जानकारी संयोजक रबिन्द्र महर्जन ‘मास्के’ ले दिनु भएको छ । नेपालमा फुटवल र भलिबलमा डबल लिग प्रणालीको खेलहरू भैसकेका छन् तर वास्केटवल खेलको शुरु भएको छैन । सो पूर्ति गर्ने र साथै वास्केटवल खेलको विकासमा अझ थप योगदान दिने हेतुले यो प्रतियोगिता सञ्चालन गर्न लागेको जानकारी दिनु भएको छ ।

यो प्रतियोगिता माघ २७ गते शनिवारदेखि आयोजना हुने जानकारी पहिला दिएको थियो तर प्राविधिक कारणले यो प्रतियोगिता माघ २९ गते मात्र सञ्चालन हुने र यो प्रतियोगिता प्रत्येक साता शुक्रवार र शनिवार सञ्चालन हुने जानकारी दिइएको थियो ।

यस प्रतियोगितामा नेपलाका चर्चित छ वटा टिमले सहभागिता जनाइरहेको छ । जुन यस प्रकार छन् — आयेजक नयाँबजार क्लब, नेपाल आर्मी क्लब, गोल्डेन गेट, ह्वाइट हाउस टिम, गुरुकुल टिम र नासा टिम । यी टिम विच डबल लिग प्रणालीमा यो प्रतियोगिता हुनेछ । यो प्रतियोगिता गर्न नेपाल वास्केटवल संघले अनुमती प्रदान गरिएको छ भने यो प्रतियोगिता फिबा नियम अनुसार हुनेछ । यो प्रथम कीर्तिपुर कप खुल्ला वास्केटवल प्रतियोगिता चैत्र ३० गते सम्पन्न हुने जानकारी आयोजकले दिएको छ भने यस्को सम्पूर्ण तयारी भैसकेको पनि अवगत गराइएको छ ।

यो प्रतियोगितामा डिजिटल स्कोर बोर्डको प्रयोग हुने जानकारी प्राप्त भैसकेको छ जस्को प्रशिक्षण गत साता आयोजक नयाँबजार क्लब र नेपाल आर्मीको मैत्रीपूर्ण खेलमा प्रयोग गरेको थियो । नयाँबजार क्लबले आफ्नो टिमलाई सशक्त बनाउन प्रशिक्षक विकुलाल महर्जन र रविन्द्र महर्जनको विशेष निगरानीमा प्रशिक्षण कार्यक्रम नियमित रुपमा भैराखेको छ । त्यसको लागि आर्थिक भार पनि निकै पर्ने भएकोले यस कीर्तिपुर नगरका सम्पूर्ण खेलप्रेमीहरूलाई सहयोग र समर्थनको लागि अनुरोध     गरिएको छ ।

कीर्तिपुरका धर्म महर्जन खुल्ला दौडमा दोस्रा हुन सफल

शहीद दिवसको उपलक्ष्यमा यही माघ १६ गते युथ कर्नर क्लब काठमाडौं २१ वडाद्वारा आयोजना गरिएको ५ कि.मि. खुल्ला पुरुष दौड प्रतियोगितामा कीर्तिपुरका धावक धर्म महर्जनले १७ मिनेट ४७ सेकेण्डमा सो दौड पुरा गरी दोस्रोस्थान हासिल गर्न सफल हुनु भएको छ ।

दौडमा त्रिभुवन आर्मी क्लबका आकाश थापाले १७ मिनेट ३० सेकेण्डमा पुरा गरी प्रथम र ललितपुरका राजु श्रेष्ठले १८ मिनेट २ सेकेण्डमा पुरा गरी तेस्रो हुनु भएको    थियो । सो कार्यक्रमका प्रमुख अतिथि वातावरण तथा विज्ञान प्रविधि मन्त्री डा. केशव मान शाक्यले पुरस्कार वितरण गर्नु भएको थियो ।

आहा रारा गोल्डकप जित्न थ्रीस्टार सफल

शहिद स्मारक ‘ए’ डिभिजन लिगको हिउँदे च्याम्पियन बनी लिग लिडर क्लब थ्रीस्टार क्लबले पोखरामा सम्पन्न ११ औं संस्करणको आहा रारा गोल्डकप फुटवल जित्न सफल भएको छ । पोखरामा रंगशालामा गत माघ २० गते शनिवार सम्पन्न फाइनल खेलमा घरेलु टोली सहारा क्लबलाई १–० गोल पराजित गरी आहा रारा गोल्डकप सँगै नगद तीन लाख ५१ हजार रुपैयाँ पुरस्कार प्राप्त ग¥यो । त्यसैगरी उपविजेतामा चित्त बुझाउन बाध्य सहारा क्लबले दुई लाख एक हजार रुपैयाँमा चित्त बुझाउनु प¥यो ।

फाइनल खेलको ८३ औं मिनेटमा थ्रीस्टारको लागि अफ्रिकी स्ट्राइकर फेमीले विङगर जीवन सिकेमानको कर्नर पासमा हेड मार्फत गोल गरेका थिए । यही एक गोलले थ्रीस्टार च्याम्पियन बनी घरेलु टीमलाई निराश पारेको थियो । यस आहा रारा गोल्ड कप २०६९ को सर्वोत्कृष्ट खेलाडिमा सहारा क्लबका अजित प्रजापति घोषित भएको छ भने सर्वोत्कृष्ट स्ट्राइकरमा सहारा कै योना इलियास, सर्वोत्कृष्ट रक्षकमा थ्रीस्टारका विष्णु सुनुवार, गोलरक्षकमा सहाराकै अजित प्रजापति, मिडफिल्डरमा भिक्टर ओवी, सर्वाधिक गोलकर्तामा थ्रीस्टारका फेमी, अनुशासित टीममा जाउलाखेल युथ क्लब तथा प्रशिक्षकमा थ्रीस्टारका प्रदीप हुमागाई घोषित भएका थिए । यस प्रतियोगिताको सेमिफाइनलमा सहाराले नेपाल आर्मी क्लबलाई तथा थ्रीस्टार क्लबले जाउलाखेल युथ क्लबलाई पराजित गरी फाइनल मा पुगेका थिए ।

दक्षिण एशियाली वास्केटवल च्याम्पियनमा नेपाललाई कास्य पदक

अंक ७८ ने.सं. ११३३ पोहेलागा तृतिया बुधवाः २०६९ माघ १७ गते बुधवार Jan 30, 2013

दक्षिण एशियाली वास्केटवल च्याम्पियनमा नेपाललाई कास्य पदक

नवीन महर्जन

वंगलादेशको ढाकामा सम्पन्न सिटी सेल दोस्रो दक्षिण एसियाली वास्केटवल च्याम्पियन मा नेपालले कास्य पदक जित्न सफल भएको छ । नेपालले पहिलो खेलमा माल्दिभ्सलाई ८२–५७ ले हराएको थियो भने दोस्रो खेलमा नेपाल आयोजक वंगलादेशसँग ७४–८४ स्कोरले पराजित भएको थियो भने तेस्रो खेलमा नेपाल पाकिस्तानसँग ६७–७८ स्कोरले पराजित भएको थियो । वास्तवमा नेपाली खेलाडीहरू प्राविधिक रुपमा सक्षम रहेको तर उँचाईको कारण तेस्रो स्थानमा चित्त बुझाउनु परेको थियो । सहभागी मध्ये पाकिस्तान र वंगलादेशसँग निकै प्रतिस्पर्धात्मक खेल खेल्दा खेल्दै हारेको थियो । वास्तवमा नेपाली टोलीको स्ट्यान्डर्ड बृद्धि भएको छ तर फिजिकल फिट्नेस र हाइट एढ्भान्तेजले पाकिस्तान र वंगलादेश भन्दा कमजोर भएका थिए ।

 नेपालले आफ्नो अन्तिम खेल धनमुन्डी जिम्नेजियममा भुटानसँग खेलेको थियो जस्को पहिलो क्वाटरमा नेपाल र भुटानले २०–२० स्कोर गरेका थिए । दोस्रो क्वाटरमा नेपालले २५–७ ले अग्रता लिन सफल भएको थियो भने तेस्रो क्वाटरमा २५–९ ले अग्रता लिएको थियो अन्तिम क्वाटरमा नेपालले २४–६ को स्कोर गर्दै समग्रमा ९४–४२ स्कारले जित हासिल गर्दै तेस्रो स्थानमा पुग्न सफल भई कास्य पदक जित्न सफल भएको थियो । यस खेलमा नेपालका कप्तान सदिस प्रधानले उत्कृष्ट खेल प्रदर्शन गरी ३२ स्कोर गरेका थिए । त्यसैगरी नेपालका विनोद महर्जनले पनि ३२ अंक जोडेका थिए । यस दोस्रो दक्षिण यसियाली वास्केटवल च्याम्पियन सिपमा आयोजक वंगलादेश प्रथम भएको थियो भने दोस्रो पाकिस्तान भएको थियो । स्मरणरहोस् यस प्रतियोगितामा अन्तरराष्ट्रिय ओलम्पिक कमिटीले भारतलाई मान्यता प्राप्त नदिएको अवस्था रहेकोले सहभागिता जनाउन पाएको थिएन भने अन्तिम समयमा अफगानिस्तानले सहभागिता जनाउन नसक्ने जानकारी दिएको थियो । वास्तवमा दक्षिण एसियाली वास्केटवलमा भारत सर्वोत्कृष्ट राष्ट्रको भने अफगानिस्तान अहिले उदय भएको टिम हो ।

सायद भारत र अफगानिस्तानले सहभागिता जनाइएको भए अझ नेपालले मेहनत गर्नु पर्ने थियो । यस प्रतियोगिताको प्रशिक्षकको रुपमा कीर्तिपुरका दिनेश चन्द्र नकर्मी जानु भएको थियो । सहायक प्रशिक्षकमा विकाश शाही जानु भएको थियो ।

सुपरएटको खेल अझ रोमान्चक हुने

अंक ७७ ने. सं. ११३३ पोहेलाथ्व द्वादशी बुधवाः २०६९ माघ १० गते बुधवार Jan 23, 2013

सुपरएटको खेल अझ रोमान्चक हुने

नवीन महर्जन

शहिद स्मारक राष्ट्रिय लिग २०६९ को पहिलो चरणको सम्पूर्ण खेलहरू करीव करीव भैसकेको छ । राष्ट्रिय लिगमा सम्मिलित १६ टिम मध्ये शिर्ष स्थानमा रहेको थ्रीस्टार क्लब, मच्छिन्द्र क्लब, आरसीटी, सरस्वती क्लब, मनाङ मस्यांङडी क्लब, एनआरटी, आर्मी र फ्रेन्ड्स क्लब गरी आठ टिम सुपरएटको लागि छनौट हुने सम्भावना रहेको छ भने बाँकि नवौंदेखि तेह्रौं स्थानसम्म रहेको क्लबहरू नेपाल पुलीस, शंकटा, हिमालयन शेर्पा, एपीएफ र जावलाखेल ‘ए’ डिभिजनमा नै कायम हुने भएका छन । बाँकी ३ टिम मध्ये बौद्ध र बाँसबारी टिमले आफ्नो ‘ए’ डिभिजनको परिचय गुमाएका छन र रेलिगेशनमा परि ‘बि’ डिभिजनमा झरेका छन । रेलिगेशनमा पर्नु भनेको निकै पीडादायी अवस्था हो । अब फेरी ‘ए’ डिभिजनमा उक्लीन धेरै संघर्ष गर्नु पर्ने छ । ‘ए’ डिभिजन लिगबाट रेलिगेसनमा परी ३ टीम ‘बि’ डिभिजनमा झर्ने भएका छन भने ‘बि’ डिभिजनबाट केवल १ टिम ‘ए’ डिभिजनमा उक्लीने प्रावधान रहेको छ जस्ले गर्दा पनि रेलिगेशनको पीडा अझ बल्झेको हो । सुपरएटमा छनौट भैसकेका आठ वटा टिम बिच राउण्ड रोबिनको आधारमा खेल भैसकेपछि यस शहिद स्मारक राष्ट्रिय लिग २०६९ को छिनोफानो हुने कार्यक्रम रहेको छ । जस्ले गर्दा यो सुपर एटको खेल अझ रोमान्चक हुने आशा गर्न सकिन्छ । सुपर एटमा सम्मिलित सम्पूर्ण आठै ओटा टिमले उत्कृष्ट खेल प्रदर्शन गरी आफ्नो खेलमा अझ परिपक्वता देखाउने छ । पहिलो चरणमा भएको गल्ति कमी कमजोरीलाई अवश्य सुधार गर्ने अपेक्षा गर्न सकिन्छ । पहिलो चरणमा निकै उतार चढाव देख्न पाएको थियो मै हुँ भन्ने टिमलाई पनि हारको सामना गर्नु परेको थियो भने लिग र नकआउट खेलमा के अन्तर हुने रहेछ भन्ने पाठ पनि सिकाएको थियो ।

युवा टोली सम्मिलित बौद्ध, मध्यपुर थिमीले नकआउट प्रतियोगितामा राम्रै खेल देखाएका थिए तर यस लिगचरणमा समान खेल देखाउन सकेन जस्ले गर्दा रेलिगेसनमा समेत पर्न पुग्यो । लिग भनेको सम्पूर्ण खेलाडिहरूको टीम वर्कले शुरुदेखि अन्तसम्म शारीरिक, मानसिक शक्ति सन्चय गरी आफ्नो खलेलाई सन्तुलन बनाई प्रस्तुत गर्नु हो । यदि खेलमा हारको पिडा सहन नसकी आवेश आएमा तथा उच्चकोटीको प्रदर्शन भयो भनेर बसी मात्तेमा त्यसको असर अर्को खेलमा देख्न सकिन्छ । तसर्थ लिग खेल सुझबुझ तरीकाले खेल्ने खेलको रुपमा लिन सकिन्छ ।

वास्तवमा पहिलो चरणको लिगबाट साँच्चैको लिग च्याम्पियन को होला भनेर अडकल गर्न निकै कठिन छ । किनभने पहिलो चरणको खेलमा ‘ए’ डिभिजनमा संघर्ष गरेको एपीएफ र संकटाले पुलिस, त्यसैगरी सरस्वतीले थ्रीस्टार र मच्छिन्द्रलाई हराएको थियो । त्यसैगरी रेलिगेसनमा परेको बाँसबारीले आरसीटीलाई हराएको थियो । त्यसैले सुपरएटको खेल अझ रोमान्चक हुने अपेक्षा गर्न सकिन्छ । कुनै पनि टिमले शतप्रतिशत दावेदार प्रस्तुत गर्न सकेका छैन । यसपालीको लिगमा विभागिय टिमले सफलताको साथसाथै चर्चा नपाउनुको प्रमुख कारण पनि विदेशी खेलाडि विना विभागीय टिम खेल्नु पर्ने साथै पुलिस, आर्मी र एपीएफको जागिर भन्दा क्लबको आकर्षक पारिश्रमिक र ग्लामर प्रिय भएकोले उत्कृष्ट खेलाडि पाउन छाडेकोले हो । अहिले भैरहेको रेडबुल शहिद स्मारक लिग प्रतियोगितामा स्टार खेलाडि थोरै तथा नयाँ अनुहार र विदेशी खेलाडिहरू धेरै भन्दा धेरै चम्किएका छन जस्ले गर्दा पनि आउँदा खेलहरू अझ रोमान्चक हुने अपेक्षा गर्न सकिन्छ ।

वास्तवमा यहि आउँदो माघ १२ गते भित्र पहिलो चरणका सम्पूर्ण खेलहरू समाप्त हुनेछ र करीव १ महिनाको विश्राम पछि मात्रै सुपरएटको खेल हुने भएकोले यस्को प्रतिक्षा सबैलाई अवश्य हुने छन ।

Click to read the magazine pdf

अन्तराष्ट्रिय आमन्त्रित महिला भलिबल जित्न ज्ञानुबाबा सफल

अंक ७६  ने. सं. ११३३ पोहेलाथ्व पञ्चमी बुधवाः २०६९ माघ ३ गते  बुधवार Jan 16, 2013

अन्तराष्ट्रिय आमन्त्रित महिला भलिबल जित्न ज्ञानुबाबा सफल

नवीन महर्जन

पश्चिमाञ्चल क्षेत्रिय भलिबल संघद्वारा आयोजित तथा नोङसिम सिनराम्योन चाउचाउ द्वारा प्रायोजित नोङसीम सिनराम्योन अन्तर्राष्ट्रिय आमन्त्रित महिला भलिबल प्रतियोगिता पोखराको चर्चित टिम ज्ञानुबाबा आवासीय उच्च मा.वि.ले सोझो ३–० सेटले    हराउँदै उपाधि जित्न सफल भएको छ । 

ज्ञानुबाबाले एपीएफ टिमलाई २९–१९, २५–१७ र २५–१९को सेटले हराउँदै उपाधि माथि कब्जा जनाउँदै नगद रु. १ लाख ११ हजार १ सय ११ रुपैया हात पारेको थियो । ढोरपाटन भलिबल ट्रेनिङ्ग  सेन्टरद्वारा सञ्चालित डबल लिग भलिबलमा आयोजकले गतवर्ष राम्रो निर्णय नदिएकोले सहभागिता नजाएको यस ज्ञानुबाबा आ.उ.मा.विले यस प्रतियोगितामा आफ्नो उच्च कोटीको खेल देखाएको थियो ।  आफ्नो गृहभूमि पोखरामा आयोजित लिगकम नकआउटको आधारमा सञ्चालन यस प्रतियोगितामा ज्ञानुबाबाले आफ्नो छवि कायम राखेको  थियो ।  स्मरणरहोस् सेमि फाइनलमा न्यू डाइमण्ड टिमलाई हराउँदै ज्ञानुबाबा फाइनल पुगेको थियो । उता ढोरपाटन ब्लू स्काई कप विजेता विभागीय सशस्त्र प्रहरी बलको एपीएफ क्लबले सेमिफाइनल खेलमा अर्को विभागीय टिम नेपाल प्रहरीलाई ३–२ सेटले हराउँदै फाइनलमा पुगेको थियो तर फाइनल खेलमा पराजित भई उपविजेतामा चित्त बुझाई ५०,५५५ रुपैयाँ हात  पारेको थियो । गत पुस २८ गते शनिवार नै सम्पन्न तेस्रो स्थानको लागि भएको खेलमा नेपाल   प्रहरी टिमले न्यू डायमण्ड एकेडेमीलाई २५–१८, २०–२५, २५–१७ र २५–१८ को ३–१ सेटले हराउँदै तृतिय भई नगद पुरस्कार रु.२०,२२२ जितेका थिए भने न्यू डायमण्ड एकेडेमीले सान्त्वना स्वरुप रु. १० हजार पुरस्कार प्राप्त गरेको थियो । यस प्रतियोगितामा ज्ञानुबाबाका क्याप्टेन मञ्जु गुरुङ सर्वोत्कृष्ट स्वरुप “वुमन अफ दि म्याच” घोषित भएकी थिइन भने स्पाइकरमा न्यू डायमण्डकी रमिला तन्डुकार, सेटरमा एपीएफकी विनिता बुढाथोकी,  क्वीकरमा न्यू डायमण्डकी मनीषा गुरुङ, ब्लकरमा कोपिला उप्रेती एपीएफकी, डिफेन्समा ज्ञानुबाबाकी माल्ती आले,    सर्भरमा नेपाल पुलिसकी सुशीला थापा तथा उदयीमान खेलाडीमा न्यू डायमण्डकी प्रतिभा माली घोषित भएकी थिइन् । यसरी महिला भलिबलमा निरन्तर रुपमा प्रतियोगिता भई राख्नु निकै राम्रो भैराखेको छ जसले गर्दा यस खेलमा सम्मिलित खेलाडिहरूले व्यक्तिगत रुपमा र आफ्नो टिमको तर्फबाट विभिन्न क्लब संघ संस्थाले नियमित लागि पर्न प्रेरणा पाएको छ । यसरी खेलकुद क्षेत्रले नियमित गति पाएको खण्डमा यस क्षेत्रको विकास हुन धेरैसमय लाग्ने छैन । विचको पहिलो एक दिवशीय खेल १८ फेब्रुअरी सन १९८७ मा इडन गार्डेनमा भएको थियो । 

कीर्तिपुरमा फुटवल मैदान निर्माण गर्दै

कीर्तिपुरको नयाँबजार बास्कटवल कोर्टसंगै रहेको खाली मैदानलाई व्यवस्थित रुपले फटबल मैदान बनाउने भएको छ । अहिले सो मैदानमा रहेको माटोलाई किरव एक फिट झिकेर उत्तरतिरको केही भिरालो जमिन परेर चौडाइ बढाउन लागेको छ । सो काम गर्न डोजरले माटो खनी ट्रिपरले खाली ठाउँमा राख्ने काम धमाधम भइरहेको छ । 

सो कामका लागि राष्ट्रिय खेलकुद परिषद्वाट काठमाण्डौं जिल्ला खेलकुद विकास समितिकले आर्थिक सहयोग प्रदान गरेको कुरा खेलकूद समाजले जनाएको छ । जि. वि. सको फुटबल मैदानलाई अन्तर्राष्ट्रिय क्रिकेट मैदानमा परिणत गरेपछि कीर्तिपुरको फुटबल विकासमा ठूलो धक्का लागेको थियो । यस फुटबल मैदानको निर्माणले कीर्तिपुरको फुटबल खेलमा टेवा पु¥याउने आशा गरिएको छ । हाल कीर्तिपुरमा बि डिभिजनको मान्यता प्राप्त ब्वाईज स्पोर्टस टिम पनि रहेको अवस्थामा सो टिमका खेलाडिहरुले आफ्नै घर आंगनमा अभ्यास गर्न पाउने भएको छ । 

पाकिस्तानको भारत भ्रमण निकै सफल

अंक ७५  ने. सं. ११३३ थिंलागा द्वादशी बुधवाः २०६९ पुष २५ गते  बुधवार Jan 9, 2013

पाकिस्तानको भारत भ्रमण निकै सफल

नवीन महर्जन

दक्षिण एशियाली राष्ट्रहरू क्रिकेटका शक्तिशाली राष्ट्रहरू हुन । जस्मा भारत, श्रीलंका, पाकिस्तान अब्बल दर्जाका हुन भने अफगानिस्तान, वङ्गलादेश नयाँ उदयमान क्रिकेट राष्ट्र हुन । क्रिकेट खेलमा नेपालले पनि विस्तारै आफ्नो छवी फैलाउने काम गरि राखेको छ । लामो अन्तराल पछि सन २०१२को अन्ततिर पाकिस्तान भारत भ्रमणको लागि निस्केको थियो । यी दुई राष्ट्र वीच २ ओटा ट्वान्टी/ट्वान्टी क्रिकेट र ३ ओटा एकदिवशीय श्रृंखला सम्पन्न भएको थियो । यो खवरले क्रिकेट प्रेमीहरूलाई निकै उत्साहित बनाइएको थियो । भारतीय भूमिमा पाकिस्तान र भारत विचको कुनै प्रतियोगिता हेर्न पाउनु भनेको ठूलो अहो भाग्यको कुरा हो जुन पाँच वर्षको अन्तराल पछि हुन सम्भव भयो ।

भारत र पाकिस्तान विच भएको दुईवटा ट्वान्टी/ट्वान्टी क्रिकेट श्रृंखला १–१ खेल जिती बराबरमा सम्पन्न भएको थियो । पहिलो खेल पाकिस्तानले जितेको थियो भने दोस्रो खेल भारतले जिती खेल बराबरमा सम्पन्न भएको थियो । यो नतिजाले पाकिस्तानलार्य बढी फाईदा भयो । किनभने भारतीय भूमिमा पाकिस्तानले नतिजा बराबर गर्न सक्ने भनेको एक दिवशीय खेलको लागि मनोवल बढाउनु हो ।

भारत र पाकिस्तान विचको पहिलो एकदिवशीय म्याच पुस १५ गते आइतवार चेन्नईमा सम्पन्न भएको थियो । उक्त खेलमा भारतले पहिला ब्याटिङ्ग गर्दै ६ विकेटमा २२७ रन बनाईको थियो जबकी ब्याटिङ्गमा पाकिस्तानले नासिर जमसेदको १०१ रनको मद्दतले ६ विकेटको जित हासिल गरेको थियो ।

त्यसै गरी दोस्रो एकदिवशीय खेलमा पाकिस्तानले गत पुस १९ गते कोलकताको इडन गार्डेनमा सम्पन्न खेलमा पहिला ब्याटिङ्ग गर्दै ४८.३ ओभरमा १६५ रन बनाई अल आउट भएको थियो जस्ले गर्दा पाकिस्तान ८५ रनले विजयी भई श्रृखला आफ्नो कब्जामा लिन सफल भएको थियो ।

स्मरणरहोस यस दोस्रो एक दिवशीय खेलको मध्यान्तरमा भारत–पाकिस्तान विच एकदिवशीय म्याचको २५ वर्ष पुरा भएको अवसरमा दुवै देशका खेलाडिहरूलाई सम्मान गरिएको थियो । वसिम अक्रम, शमिज राजा, इन्तिरवाक आलम, कपिल देव, सुनिल गावस्कर, अनिल कुम्बे, वीवीएस लक्ष्मण, सौरभ गांगुलि, सदिक मोहम्मद, मुस्ताक मोहम्मद, विशनसिंह बेदी, दिलीप बेगसकर, कृष्णमाचारी श्रीकान्त, रवि शास्त्री, लगायत १९ जना खेलाडिहरूलाई जीपमा राखी स्टेडियम परिक्रमा गरिएका थिए । उनीहरूलाई सम्पूर्ण दर्शकहरूले दर्शक दिर्घाबाट ताली बजाएर स्वागत गरेका थिए । भारत र पाकिस्तान विचको पहिलो एक दिवशीय खेल १८ फेब्रुअरी सन १९८७ मा इडन गार्डेनमा भएको थियो ।

भारत पाकिस्तानको अन्तिम एकदिवसीय क्रिकेट गत पुस २२ गते आइतवार नयाँ दिल्लीस्गित फिरोज शाह कोटाला रंगशालामा भएको थियो । टस जितेर पहिलो ब्याटिङ्ग गरेको भारत १६७ रनमा अल आउट भएको थियो । १६८ रनको झिनो स्कोरको लक्ष्य लिएर मैदानमा उत्रेको पाकिस्तानलाई ७ बल बाँकि छँदै १५७ रनमा भारतले अल आउट गरि म्याच जितेको थियो । तीन एक दिवशीय श्रृंखलामा दुई खेल जित्दै पाकिस्तानले श्रृंखला कब्जा गरेको छ ।

वास्तवमा पाकिस्तानको लागि यो भारत भ्रमण सफल भएको छ, सुरक्षाको दृष्टिकोणले यी दुई विच कुनै खेल हुन सकिरहेको थिएन । अझपनि विश्वका कुनै पनि राष्ट्र पाकिस्तानमा गएर क्रिकेट खेल्न मानिरहेको अवस्था छैन । वङ्गलादेश पाकिस्तानको भ्रमणको लागि सबै कुरा मिलाई सकेको थियो तर अहिले आएर सुरक्षाको कारण देखी नजाने भएको छ ।

यस्तो अवस्थामा भारत र पाकिस्तान विच सौहार्द वातावरणमा खेल सम्पन्न हुनु भनेको निकै सकारात्मक र पाकिस्तानको लागि फाईदाजनक हो । आशा गरौं खेलकुदको माध्यमबाट सबै मित्र राष्ट्र विच राम्रो सम्बन्ध विस्तार हुन सहयोग पुगोस ।

घरेलु क्रिकेटमा क्लिन स्विप गर्न एपीएफ सफल

अंक ७४  ने. सं. ११३३ थिंलागा पञ्चमी बुधवाः २०६९ पुष १८ गते  बुधवार Jan 2,2013

घरेलु क्रिकेटमा क्लिन स्विप गर्न एपीएफ  सफल

नवीन महर्जन

पेप्सी स्ट्यान्डर्ड चार्टर्ड ट्वान्टी ट्वान्टी राष्ट्रिय क्रिकेट प्रतियोगिता गत पुस १४ गते शनिवार सम्पन्न भएको छ । फाइनल खेल एक दिवसीय राष्ट्रिय च्याम्पियन विभागीय टिम एपीएफ क्लब र क्षेत्र नम्बर ६ वैतडी विच शनिवार कीर्तिपुरस्थित अन्तर्राष्ट्रिय क्रिकेट मैदानमा सम्पन्न भएको थियो । उक्त खेलमा पहिले ब्याटिङ्ग गर्दै एपीएफले निर्धारित ओभरमा ५ विकेटको क्षेत्रमा १६७ रन बनाइएको थियो । यो योगफल खडा गर्न ज्ञानेन्द्रले ५७ बलमा ६९ रन बनाएको थियो । त्यसै गरी पारस खड्काले २६ बलमा ५३ रनको महत्वपूर्ण इनिङ्ग खेलेको थियो । जवाफी ब्याटिङ्गमा आएको बैतडीले केही गर्न नसकी केवल ७२ रन जोडी अलआउट भएको थियो । जस्ले गर्दा एपीएफले ९५ रनले विजयी भई एकैवर्षमा राष्ट्रिय वान डे र ट्वान्टी ट्वान्टी दुबै जित्ने पहिलो टिम भएको छ भने घरेलु क्रिकेटमा क्लिन स्विप गर्ने एपीएफ सफल भएको छ । यो जीत सँगै एपीएफले ट्रफी सँगै १ लाख २५ हजार नगद पुरस्कार हात पारेको छ भने दोस्रो हुँदै बैतडीले ७५ हजार जितेको छ ।

यस प्रतियोगिताको सेमिफाइनल गत शुक्रवार पहिलो खेल एपिएफ क्लब र क्षेत्र नम्बर ८ पोखराविच भएको थियो । उक्त खेलमा पहिला ब्याटिङ्ग गर्दै एपीएफले निर्धारित ओभरमा ३ विकेट गुमाएर १६० रन जोडेको थियो । जस्मा कप्तान पारस खडकाले अविजित ५१ रनको योगदान गरे । जवाफि ब्याटिङ्गमा ओर्लेको पोखराले १७.२ ओभरमा केवल ६५ रन बनाउँदै अलआउट भएको थियो । एपीएफका बलर सन्जम रेग्मीले ४ विकेट लिंदै पोखराको लागि घातक भए जस्ले गर्दा म्यान अफ दि म्याच हुन सफल भएको थियो भने आफनो टिम फाइनलमा पु¥याउन महत्वपूर्ण योगदान   गरे ।

त्यस्तै दोसंो सेमिफाइनल खेल क्षेत्र नम्बर ६ बैतडी र क्षेत्र नम्बर ४ भैरहवा विच भएको थियो जस्मा पहिलो ब्याटिङ्ग गर्दै भैरहवाले निर्धारत ओभरमा ९ विकेट गुमाउँदै १०९ रन बनाएको थियो भने जवाफी ब्याटिङ्गमा आएको बैतडीले निर्धारित ओभरमा ९ विकेट गुमाएर ११३ रन बनाउँदै लक्ष्य पार गरेर १ विकेटले विजयी भई फाइनलमा आफनो स्थान सुरक्षित गरेको थियो ।

यस ट्वान्टी ट्वान्टी राष्ट्रिय क्रिकेटमा उत्कृष्ट प्रदर्शन गर्दै ज्ञानेन्द्र मल्ल म्यान अफ द म्याच बन्न सफल भएको छ । उसले ५९ बलमा ७ चौका र १ छक्का प्रहार गर्दै ६९ रन जोडेको थियो । त्यसैगरी एपीएफका सुवास खकुरेल वेस्ट ब्याट्सम्यान साथै प्लेयर अफ द सिरिज पनि बन्न सफल भएको थियो । उनले ६ खेलमा २७४ रन जोडेको थियो । उत्कृष्ट बलरको रुपमा क्षेत्र नम्बर ८, पोखराका स्पिनर राहुल विक भए उनले ४ खेलमा ११ विकेट लिएका थिए । त्यसैगरी वैतडीका स्पिनर विनोद लामा इमर्जिङ्ग खेलाडिको रुपमा घोषणा भएका थिए । प्लेयर अफ दि सिरीज सुवासले २५ हजार नगद पुरस्कार पाएका थिए भने राहुल र विनोदले १०÷१० हजार हात पारेका थिए ।

यसरी राष्ट्रिय टिमले भरिएको एपीएफ टिमले नेपालको घरेलु क्रिकेट सबै महत्वपूर्ण प्रतियोगिता जित्दै घरेलु टोलीमा अब्बल रहेको सावित गरेको छ । समग्रमा यस टिमले ३ वर्षमा कुल ८ ट्रफी हात पारेको छ । यस टिमले २०६७ सालमा मदन भण्डारी मेमोरियल जित्दै यात्रा आरम्भ गरेको हो । यसरी नियमित रुपमा प्रतियोगिता भएर नेपाली खेलाडिले आफ्नो उच्च स्तरको मनोवल बनाई निरन्तर अभ्यास गर्ने अवसर जुतेको छ जस्ले गर्दा अन्तरराष्ट्रिय प्रतियोगितामा पनि राम्रो प्रभाव देखिन्छ ।

महिला राष्ट्रिय लिग च्याम्पियन बन्न पुलिस सफल

धनगढीमा संचालन भैरहेको महिला राष्ट्रिय घरेलु लिग प्रतियोगिता गत पुस १४ गते शनिवार सम्पन्न भएको छ । महिला घरेलु लिगमा एपीएफको बर्चस्वलाई तोड्दै पुलिस क्लब पहिलो संस्करणको महिला लिग जित्दै नयाँ इतिहास कोर्न सफल भएको छ ।

अन्तिम खेलको समिकरण अघिसम्म एपीएफले बरावरी मात्र खेले पनि पुग्थ्यो भने पुलिस क्लबले जित्नै पर्ने स्थिति थियो । सो अवस्थामा पनि पुलिस क्लबले खेलको १५ औं मिनेटमा गेरेको पेनाल्टी मार्फतको गोल नै निर्णायक भयो । यसरी पुलिस  टिमले कुल १९ अंक ल्याई प्रथम भएको छ भने एपीएफले १८ अंकमा सिमित भई दोस्रो हुन बाध्य भए । अंक तालिका अनुसार १४ अंक ल्याई आर्मि तेस्रो तथा १२ अंक ल्याई सुदुरपश्चिम चौथो स्थानमा रहे । यस प्रतियोगितामा प्रथमले ३ लाख , दोस्रोले १ लाख ५० हजार, तेस्रोले ७५ हजार र चौथोले ५० हजार पाएका थिए ।

यस लिगको सर्वोत्कृष्ट खेलाडि पुलिसकी चन्द्र भण्डारी भई स्कुटी जितिइन भने एपीएफका अनु लामा उत्कृष्ट फरवार्ड, गोल रक्षकमा पुलिसकी नमिता कुमारी दली, मिड पिल्डमा आर्मिकी रेनुका नगरकोटी डिफेन्समा सुदुर पश्चिमकी अमृत जैसी, प्रशिक्षकमा पुलिसका सन्देश श्रेष्ठ उत्कृष्ट घोषित भएर २५÷२५ हजार जितेका थिए । यसरी राष्ट्रिय महिला फुटवल पनि सफलता पूर्वक सम्पन्न भएको छ ।

एपीएफ एकदिवसीय राष्ट्रिय क्रिकेट च्याम्पियन बन्न सफल

अंक ७३ ने.सं. ११३३ थिंलाथ्व त्रयोदशी बुधवाः २०६९ पुष ११ गते बुधवार Dec 26, 2012

एपीएफ एकदिवसीय राष्ट्रिय क्रिकेट च्याम्पियन बन्न सफल

नवीन महर्जन

पेप्सी स्ट्यान्डर्ड चार्टर्ड एकदिवसीय राष्ट्रिय क्रिकेट –२०६९ गत शुक्रवार त्रि.वि. कीर्तिपुरको अन्तरराष्ट्रिय क्रिकेट मैदानमा सम्पन्न भएको छ । यस वर्षको वान–डे राष्ट्रिय क्रिकेटको फाइनल गत वर्षको विजेता एपीएफ र क्षेत्र नम्बर–४ भैरहवा विच भएको थियो । यस प्रतियोगितामा भैरहवाले पहिला ब्याटिङ्ग गर्दै २२१ रनमा समेटिएको थियो । जवाफी ब्याटिङ्ग गर्दै कप्तान पारस खड्का र सुवास खकुरेलको अर्धशतकमा एपीएफले ३४ ओभर १ बलमा ४ विकेटको नोक्सानीमा २२७ रन बनाइए यस दशौं संस्करणको वान–डे राष्ट्रिय क्रिकेट च्याम्पियन बन्न सफल भएको हो । यसरी एपीएफले ३ वर्षको अन्तरालमा यो समेत गतवर्षको राष्ट्रिय च्याम्पियन सहित घरेलु क्रिकेटमा ६ उपाधी हात पारिसकेको छ । जसमा पाँचौं र छैठौं राष्ट्रिय खेलकुद पनि सामेल छ । यो दशौं पेप्सी स्ट्यान्टर्ड चार्टर्ड वान–डे राष्ट्रिय क्रिकेट ट्रफी वियसँगै नगद रु १लाख ५० हजार समेत हात पारेको छ । यस प्रतियोगितामा वीरगञ्जका अमित श्रेष्ठले २ शतक सहित कुल २४८ रन बनाई उत्कृष्ट ब्याट्सम्यान भई रु. १५ हजार जित्न सफल भएको थियो । त्यसै गरी चार खेलमा १२ विकेट लिई बसन्त रेग्मी उत्कृष्ट बलरको रुपमा चुनिए । २७५ रन र ६ विकेट लिन सफल अलराउन्डर सागर पुन प्रतियोगिताकै उत्कृष्ट खेलाडि घोषित भए जसबाट उसले २० हजार जित्न सफल भए भने वसन्तले रु.१५ हजार जितेको थियो । त्यसैगरी वान–डे राष्ट्रिय क्रिकेटको इमर्जिङ प्लेयर भै भैरहवाका फैजरुल रहमान पनि घोषित भएको थियो ।

यसरी यो दशौं वान डे राष्ट्रिय क्रिकेट–२०६९ निकै सफल भएको देखिन्छ । यस प्रतियोगितामा ५ खेलाडिले कुल ६ शतक हिर्काएका थिए । २०५८ सालदेखि प्रारम्भ भएको वान–डे राष्ट्रिय क्रिकेट प्रतियोगितामा अहिलेसम्म च्याम्पियन बन्न सफल यस प्रकार छन । २०५८–विराटनगर, २०५९— विराटनगर, २०६०—विराटनगर, २०६१—विराटनगर, २०६३—विरगञ्ज, २०६४— भैरहवा, २०६५— काठमाडौं, २०६६— काठमाडौं, २०६८—एपीएफ, २०६९— एपीएफले जितेका छन ।

त्यसैगरी इन्डियन एजुकेशन सर्भिसेसको सहयोगमा जैन युनिभर्सिटी बैंगलोरको आयोजनामा त्रि.वि.को खेल मैदानमा गत पुस ७ गते शनिवार सम्पन्न सीपीएल ट्वान्टी ट्वान्टी क्रिकेटको उपाधि जित्न ट्रिटन कलेज सफल भएको छ ।

गोल्डेन गेटले पहिला ब्याटिङ्ग गर्दै १६.३ ओभरमा सम्पूर्ण विकेट गुमाएर ८० रनमात्र बनाउन सफल भएको थियो । गोल्डेन गेटलाई सस्तोमा समेट्ने क्रममा ट्रिटनमा वसन्त रेग्मीले सर्वाधिक ३ विकेट लिएका थिए । जवाफी ब्याटिङ्गमा ट्रिटनले केवल १२.३ ओभर २ विकेटको नोक्सानीमा ८४ ्न बनाई च्याम्पियन भएका थिए । विजयी टोलीलाई जित दिलाउने क्रममा विनोद भण्डारीले सर्वाधिक ५१ रन बनाई म्यान अफ दि म्याच घोषित भएका थिए ।

यस प्रतियोगितामा च्याम्पियन बन्न सफल ट्रिटन कलेजले बैंगलोरमा आगामी जनवरी १६ देखि २६ सम्म हुने अन्तराष्ट्रिय कलेज स्तरीय प्रतियोगितामा भाग लिन पाउने छ । स्मरणरहोस यस छनोट प्रतियोगितामा कीर्तिपुरको साउथ वेष्ट क्रिकेट क्लबका खेलाडिहरूले लेबोरेटरी उच्च मा.वि. तर्फबाट सहभागिता जनइएको थियो । जुन सेमिफाइनलसम्म पुग्न सफल भएको थियो । यसरी अन्तरराष्ट्रिय एवं राष्ट्रिय खेलाडिद्वारा भरिएको अरु कलेजका टिमलाई चुनौती दिन हाम्रा खेलाडि सफल भएको थियो ।

यसरी अनुभवको लागि भएपनि यस्ता प्रतियोगितामा सहभागी जनाउन पाउनु भनेको राम्रो कुरा हो ।

प्रथम पलिस्था स्मृति वास्केटवल प्रतियोगिता राराहिलको पोल्टामा

गत पुस ३ गते मंगलवारदेखि राराहिल मेमोरियल स्कुलमा सुरु भएको प्रथम पलिस्था मानन्धर स्मृति बास्केटवल प्रतियोगितामा राराहिलले विजय हासिल गरेको छ ।

पुस ५ गते भएको सेमिफाइनल खेलमा राराहिलले पुष्पसदनलाई हराएर फाइनलमा प्रवेश गर्न सफल भएका थिए । त्यस्तै दोस्रो सेमिफाइनल खेलमा न्यू जेनिथले हिल टाउन स्कूललाई हराई फाइनलमा प्रवेश गरेका थिए । सोही दिन भएको फाइनल खेलमा राराहिल स्कूलले न्यू जेनिथ स्कूललाई ११ को विरुद्ध १४ अंकले पराजित गरी विजयी भएको थियो । उक्त प्रतियोगितामा राराहिलका हिमाल तामाङ उत्कृष्ट खेलाडि घोषणा भएका थिए ।

खेलको समाप्ति पछि राराहिलका प्रिन्सिपल नारायण महर्जन, स्व. पलिस्थाका आमा बुबा र नेपालका पूर्व राष्ट्रिय खेलाडि रविन्द्र महर्जनले विजयी टिम तथा बास्केटवल खेलाडिहरूलाई पुरस्कार वितरण गरिएको थियो ।

लिगै लिग खेलको बहार हुँदै

लिगै लिग खेलको बहार हुँदै

नवीन महर्जन

नेपाली खेलकुदमा अहिले फुटवल, भलिवल खेलको लिग सुरु हुँदै, समाप्त हुँदै खेलकुदमय वातावरणले तताइराखेको छ । भर्खरैमात्रै ढोर पाटन ब्लू एकाई कप डिभिएस महिला डबल लिग भलिवल प्रतियोगिता गत मंसिर २८ गते विहिवार सम्पन्न भएको छ भने उक्त प्रतियोगिता डिफेन्डिङ च्याम्पियन नेपला प्रहरी क्लबलाई पछि पार्दै विभागिय टिम एपिएफले ३९ अंक जोड्दै पहिलो पल्ट  च्याम्पियन भईै रु. २ लाख २५ हजार हात पारेको छ । नेपाल प्रहरीले दोस्रोमा चित बुझाई रु. १ लाख २५ हजार हात पारेको छ । यस डबल लिग प्रतियोगितामा पाखेराको फिस्टेल एकेडेमी तेस्रो तथा न्यू डायमण्ड एकेडेमी चौथो भएको थियो । यस प्रतियोगितामा एन्जल हर्टमा कमला पुनः उत्कृष्ट खेलाडि घोषित भइन् भने प्रहरीकी नीता शाह वर्ष खेलाडि तथा फिस्टेलकी सरस्वती चौधरी नव प्रतिभावान खेलाडि चुनिए । प्रतियोगिताको बेष्ट स्ट्राइकर न्यू डाइमण्डकी रमीला तण्डुकार घोषणा भएकी थिइन् ।

यसरी भलिवल खेलको लिग पश्चात गत मंसिर ३० गतेदेखि धनगढीमा राष्ट्रिय महिला लिग फुटवल प्रतियोगिता प्रारम्भ भएको छ । उक्त प्रतियोगिताको पहिलो खेलमा पनि विभागिय टिमले नै जित हासिल गरेको छ । नेपाल प्रहरी क्लबले मध्यपश्चिमाञ्चललाई ८–० गोलले स्तब्ध पारेको छ भने अर्को विभागिय टिम एपीएफले सुदुरपश्चिमलाई ३–१ गोल अन्तरले हराएको छ ।

यस प्रतियोगितामा नेपाल आर्मी सहित ३ विभागिय टिम र ५ विकास क्षेत्र गरी कूल ८ टिमले सहभागिता जनाइरहेको छ । लिगमा पहिलो स्थानमा पर्ने टिमले ३ लाख, दोस्रो स्थानमा रहनेले १ लाख ५० हजार त्यसै गरी तेस्रोले ७५ हजार तथा चौथो हुनेले ५० हजार नगद पुरस्कार प्राप्त गर्नेछन् । त्यसैगरी उत्कृष्ट खेलाडिले स्कुटर तथा उत्कृष्ट फवार्ड, डिफेन्डर, रक्षक र गोल रक्षकले रु. २५÷२५ हजार प्राप्त गर्ने छ । यो प्रतियोगिता अखिल नेपाल फुटवल संघको तत्वावधानमा कैलाली जिल्ला फुटवल संघको आयोजनामा सञ्चालन भइरहेको छ ।

यता दशरथ रंगशालामा सहिद स्मारक रेडबुल ए डिभिजन लिगले वातावरण तताइरहेको छ । अहिलेसम्मको लिग खेलमा फुटवल खेलको पुरुष तर्फ विभागिय टिमलाई चुनौटि दिन अरु क्लब अहिलेसम्म सफल भएको देखिन्छ । विशेष गरी मच्छिन्द्र क्लब, थ्रीस्टार क्लब, मनाङ मस्र्याङदी क्लबले आफ्नो उच्च खेल देखाउन सफल भैरहेको छ । जस्ले गर्दा यी टिमहरूले लिग तालिकामा अग्र स्थानमा रहि रहन सफल भैरहेको छ । यसरी लिग खेलले अहिलेको खेलकुद माहौल तताइराखेको छ ।

त्यसैगरी कीर्तिपुरको अन्तर्राष्ट्रि क्रिकेट मैदान र पुल्चोकको क्रिकेट मैदानमा पेप्सी स्ट्यान्डर्ड चार्टर्ड राष्ट्रिय क्रिकेट प्रतियोगिता सञ्चालन भैरहेको छ । जस्मा एपीएफ र जनकपुरले उत्कृष्ट प्रदर्शन गर्दै आ–आफ्नो समूहमा शिर्ष स्थानमा रहेको छ ।

यसरी खेलकुद माहौललाई अहिले निकै सकारात्मक ढंगले अगाडि भैरहेको देखिन्छ । यस्तो वातारणलाई निरन्तरता राख्न सकेमा नेपालको खेलकूद विकास अवश्य हुने छ ।

राराहिलमा प्रथम पलिस्था मानन्धर स्मृति बास्केटबल प्रतियोगिता

नेपाली खेलकुदमा अहिले फुटवल, भलिवल खेलको लिग सुरु हुँदै, समाप्त हुँदै खेलकुदमय वातावरणले तताइराखेको छ । भर्खरैमात्रै ढोर पाटन ब्लू एकाई कप डिभिएस महिला डबल लिग भलिवल प्रतियोगिता गत मंसिर २८ गते विहिवार सम्पन्न भएको छ भने उक्त प्रतियोगिता डिफेन्डिङ च्याम्पियन नेपला प्रहरी क्लबलाई पछि पार्दै विभागिय टिम एपिएफले ३९ अंक जोड्दै पहिलो पल्ट  च्याम्पियन भईै रु. २ लाख २५ हजार हात पारेको छ । नेपाल प्रहरीले दोस्रोमा चित बुझाई रु. १ लाख २५ हजार हात पारेको छ । यस डबल लिग प्रतियोगितामा पाखेराको फिस्टेल एकेडेमी तेस्रो तथा न्यू डायमण्ड एकेडेमी चौथो भएको थियो । यस प्रतियोगितामा एन्जल हर्टमा कमला पुनः उत्कृष्ट खेलाडि घोषित भइन् भने प्रहरीकी नीता शाह वर्ष खेलाडि तथा फिस्टेलकी सरस्वती चौधरी नव प्रतिभावान खेलाडि चुनिए । प्रतियोगिताको बेष्ट स्ट्राइकर न्यू डाइमण्डकी रमीला तण्डुकार घोषणा भएकी थिइन् ।

यसरी भलिवल खेलको लिग पश्चात गत मंसिर ३० गतेदेखि धनगढीमा राष्ट्रिय महिला लिग फुटवल प्रतियोगिता प्रारम्भ भएको छ । उक्त प्रतियोगिताको पहिलो खेलमा पनि विभागिय टिमले नै जित हासिल गरेको छ । नेपाल प्रहरी क्लबले मध्यपश्चिमाञ्चललाई ८–० गोलले स्तब्ध पारेको छ भने अर्को विभागिय टिम एपीएफले सुदुरपश्चिमलाई ३–१ गोल अन्तरले हराएको छ ।

यस प्रतियोगितामा नेपाल आर्मी सहित ३ विभागिय टिम र ५ विकास क्षेत्र गरी कूल ८ टिमले सहभागिता जनाइरहेको छ । लिगमा पहिलो स्थानमा पर्ने टिमले ३ लाख, दोस्रो स्थानमा रहनेले १ लाख ५० हजार त्यसै गरी तेस्रोले ७५ हजार तथा चौथो हुनेले ५० हजार नगद पुरस्कार प्राप्त गर्नेछन् । त्यसैगरी उत्कृष्ट खेलाडिले स्कुटर तथा उत्कृष्ट फवार्ड, डिफेन्डर, रक्षक र गोल रक्षकले रु. २५÷२५ हजार प्राप्त गर्ने छ । यो प्रतियोगिता अखिल नेपाल फुटवल संघको तत्वावधानमा कैलाली जिल्ला फुटवल संघको आयोजनामा सञ्चालन भइरहेको छ ।

यता दशरथ रंगशालामा सहिद स्मारक रेडबुल ए डिभिजन लिगले वातावरण तताइरहेको छ । अहिलेसम्मको लिग खेलमा फुटवल खेलको पुरुष तर्फ विभागिय टिमलाई चुनौटि दिन अरु क्लब अहिलेसम्म सफल भएको देखिन्छ । विशेष गरी मच्छिन्द्र क्लब, थ्रीस्टार क्लब, मनाङ मस्र्याङदी क्लबले आफ्नो उच्च खेल देखाउन सफल भैरहेको छ । जस्ले गर्दा यी टिमहरूले लिग तालिकामा अग्र स्थानमा रहि रहन सफल भैरहेको छ । यसरी लिग खेलले अहिलेको खेलकुद माहौल तताइराखेको छ ।

त्यसैगरी कीर्तिपुरको अन्तर्राष्ट्रि क्रिकेट मैदान र पुल्चोकको क्रिकेट मैदानमा पेप्सी स्ट्यान्डर्ड चार्टर्ड राष्ट्रिय क्रिकेट प्रतियोगिता सञ्चालन भैरहेको छ । जस्मा एपीएफ र जनकपुरले उत्कृष्ट प्रदर्शन गर्दै आ–आफ्नो समूहमा शिर्ष स्थानमा रहेको छ ।

यसरी खेलकुद माहौललाई अहिले निकै सकारात्मक ढंगले अगाडि भैरहेको देखिन्छ । यस्तो वातारणलाई निरन्तरता राख्न सकेमा नेपालको खेलकूद विकास अवश्य हुने छ ।